ܒܵܬܸ̈ܐ ܐܲܪ̈ܟܸܐ ܘܥܵܒ݂ܘܿܕܘܵܬܸ̈ܐ ܕܢܘ݂ܝܵܚܵܐ ܕܗܝܘ݂ܡ

ܒܵܬܸ̈ܐ ܐܲܪ̈ܟܸܐ ܘܥܵܒ݂ܘܿܕܘܵܬܸ̈ܐ ܕܢܘ݂ܝܵܚܵܐ ܕܗܝܘ݂ܡ
ܐܲܚܢܲܢ ܐܝ݂ܬܠܲܢ ܚܕܵܐ ܚ݀ܠܡܲܬ ܡܲܓܵܢ ܕܒܸܝܬ ܐܲܪ̈ܟܸܐ ܓܵܘ ܚܲܡܫܵܐ ܕܘ݂ܟܵܢܸ̈ܐ ܓܵܘ ܗܝܘ݂ܡ، ܐܲܦܙܸܐ ܚܕܵܐ ܒܸܝܬ ܐܲܪ̈ܟܸܐ ܓ̮ܵܘܓ̮ܲܢܬܵܐ ܘܚܕܵܐ ܚ݀ܠܡܲܬ ܕܒܸܝܬ ܐܲܪ̈ܟܸܐ ܒܲܝܬܵܝܬܵܐ. ܐܲܚܢܲܢ ܐܲܦܙܸܐ ܐܝ݂ܬܠܲܢ ܚܕܵܐ ܕܲܣܬܵܐ ܓܘ݂ܪܬܵܐ ܕܟܬܵܒ݂ܸ̈ܐ ܘܣܦܲܪ ̄ ܙܲܒ݂ܢܸ̈ܐ ܠܵܐ ̄ ܐ݀ܢܓܠܝ݂ܣܵܝܸ̈ܐ ܐܲܝܢܝ݂ ܕܐܲܢ̄ܬ ܡܵܨܸܬ ܡܲܕܝ݀ܢܸܬ ܠܗ̄ܘܿܢ ܡܲܓܵܢ ܝܲܢ ܩܵܪܸܬ ܠܗ̄ܘܿܢ ܓܵܘ ܒܸܝܬ ܐܲܪ̈ܟܸܐ. ܐܝ݂ܬ݀ܢ ܟܬܵܒ݂ܸ̈ܐ ܩܵܐ ܫܲܒ݂ܪܸ̈ܐ ܙܥܘܿܪܸ̈ܐ، ܡܲܠܚܲܡܝܵܬܸ̈ܐ، ܠܵܐ ̄ ܡܲܠܚܲܡܝܵܬܸ̈ܐ، ܟܘ݂ܢܵܫ ̄ ܡ݀ܠܠܸ̈ܐ، ܟܬܵܒ݂ܸ̈ܐ ܕܒ݀ܨܝܵܢܵܐ، ܡܓ݂ܲܠܝܵܬܸ̈ܐ ܘܟܬܵܒ݂ܸ̈ܐ ܩܵܐ ܥܠܲܝܡܸ̈ܐ. ܐܲܢ̄ܬ ܡܵܨܸܬ ܐܲܦܙܸܐ ܡܲܦܠ݀ܚܸܬ ܠܐ݀ܢܬܸܪܢܸܝܬ ܡܲܓܵܢ ܓܵܘ ܒܵܬ̈ܲܢ ܕܐܲܪ̈ܟܸܐ. ܗܲܕܵܡܵܝܘ݂ܬܵܐ ܡܲܓܵܢ ܝ݂ܠܵܗܿ ܘܐܝ݂ܡܲܢ ܕܫܘ݂ܪ݀ܟ ܠܘܿܟ݂، ܐܲܢ̄ܬ ܡܵܨܸܬ ܬܲܦܩܸܬ ܒܟܠ ܚܲܕ̄ ܡ݂ܢ ܚܲܡܫܵܐ ܦܲܥܘܵܢܸ̈ܐ ܕܒܵܬܸ̈ܐ ܐܲܪ̈ܟܸܐ ܕܗܝܘ݂ܡ.
ܟܠܵܝܗ̈ܝ ܒܵܬ̈ܲܢ ܕܐܲܪ̈ܟܸܐ ܟܵܐ ܡܲܩܪ݀ܒ݂ܝ݂ ܬܝܵܒ݂ܝܵܬܸ̈ܐ ܕܥܕܵܢܵܐ ܕܬܘ݂ܢܵܝܵܐ ܩܵܐ ܫܲܒ݂ܪܸ̈ܐ ܕܩܕܲܡ ̄ ܡܲܕܪܵܫܬܵܐ ܡ݂ܢ ܒܪܵܝܬܵܐ ܗܲܠ ܚܲܡܫܵܐ ܫ݀ܢܸ̈ܐ ܒܥܘ݂ܡܪܵܐ. ܐܲܚܢܲܢ ܐܲܦܙܸܐ ܟܸܐ ܡܲܩܪ݀ܒ݂ܲܚ ܬܝܵܒ݂ܝܵܬܸ̈ܐ ܕܥܕܵܢܵܐ ܕܬܘ݂ܢܵܝܵܐ ܒܠܸܫܵܢܸ̈ܐ ܥܵܪܵܒܵܝܵܐ، ܐܵܬܘܿܪܵܝܵܐ، ܗ݀ܢܕܘܵܝܵܐ، ܬܘ݂ܪܟܵܝܵܐ ܘܒ݂ܝ݂ܵܝܬܢܵܡܵܝܵܐ.
ܕܘ݂ܟܵܢܸ̈ܐ ܕܒܵܬܸ̈ܐ ܐܲܪ̈ܟܸܐ ܕܗܝܘ݂ܡ:
ܒܸܝܬ ܐܲܪ̈ܟܸܐ ܕܐܵܝܓ̮ ܝ݂ܠܵܗܿ ܓܵܘ 1093 Pascoe Vale Road, Broadmeadows 3047

ܬܸܝܠܝ݂ܦ̮ܘܿܢ: 6900 9356
ܒܸܝܬ ܐܲܪ̈ܟܸܐ ܕܟܪܵܝܓܝ݂ܒ݀ܪܢ ܝ݂ܠܵܗܿ ܓܵܘ 75-95 Central Park Avenue, Craigieburn 3064

ܬܸܝܠܝ݂ܦ̮ܘܿܢ: 6980 9356
ܒܸܝܬ ܐܲܪ̈ܟܸܐ ܕܨܲܢܒܘ݂ܪܝ݂ ܝ݂ܠܵܗܿ ܓܵܘ 44 Macedon Street, Sunbury 3429
ܬܸܝܠܝ݂ܦ̮ܘܿܢ: 6970 9356
ܒܸܝܬ ܐܲܪ̈ܟܸܐ ܕܓܠܵܕܣܬܘܿܢ ܦܵܪܟ ܝ݂ܠܵܗܿ ܓܵܘ Taylor Drive, Gladstone Park 3043
ܬܸܝܠܝ݂ܦ̮ܘܿܢ: 6990 9356
ܒܸܝܬ ܐܲܪ̈ܟܸܐ ܕܬܲܠܠܵܡܵܪܝ݂ܢ ܝ݂ܠܵܗܿ ܓܵܘ 58 Spring Street, Tullamarine 3043
ܬܸܝܠܝ݂ܦ̮ܘܿܢ: 6966 9356
ܒܲܬܘܵܬܸ̈ܐ ܕܫܒ݂ܵܒ݂ܘܼܬܵܐ ܘܩ̤ܢܛܪ̈ܘܿܢܸܐ ܫܵܘܬܵܦܵܝܸ̈ܐ
ܐܝ݂ܬ݀ܢ ܚܲܕ̄ ܡ݀ܢܝܵܢܵܐ ܕܒܲܬܘܵܬܸ̈ܐ ܕܫܒ݂ܵܒ݂ܘܼܬܵܐ ܘܩ̤ܢܛܪ̈ܘܿܢܸܐ ܫܵܘܬܵܦܵܝܸ̈ܐ ܘܝܘ݂ܠܦܵܢܵܝܸ̈ܐ ܓܵܘ ܡܕܝ݂ܢ̄ܬܵܐ. ܐܲܢܸܐ ܫܵܘܦܵܢܸ̈ܐ ܟܸܐ ܡܲܩܪ݀ܒ݂ܝ݂ ܚܲܕ̄ ܡ݀ܢܝܵܢܵܐ ܪܘܝ݂ܚܵܐ ܕܚܘ݂ܪ̈ܙܸܐ ܝܘ݂ܠܦܵܢܵܝܸ̈ܐ، ܦܘ݂ܪ̈ܓܵܝܸܐ، ܚܘ݂ܠܡܵܢܵܝܸ̈ܐ ܘܒܵܪ̈ܝܵܢܸܐ. ܩܵܐ ܡܘܿܕܝ݂ ܠܵܐ ܬܲܦܩܸܬ ܒܝ݂ܵܝܗ̈ܝ ܠܸܚܙܵܝܵܐ ܐ݀ܢ ܐܵܢܝ݂ ܐܝ݂ܬ ܠܗ̄ܘܿܢ ܚܕܵܐ ܥܵܒ݂ܘܿܕܘ݂ܬܵܐ ܕܐܲܢ̄ܬ ܡܲܚ݀ܒ݀ܬ ܠܵܗܿ؟ ܚܲܕ̄ ܣ݀ܕܪܵܐ ܡ݀ܠܝܵܐ ܕܒܲܬܘܵܬܸ̈ܐ ܕܫܒ݂ܵܒ݂ܘܼܬܵܐ ܘܩ̤ܢܛܪ̈ܘܿܢܸܐ ܫܵܘܬܵܦܵܝܸ̈ܐ ܘܝܘ݂ܠܦܵܢܵܝܸ̈ܐ ܡܵܨܝ݂ ܦܵܝܫܝ݂ ܡܘ݂ܫ̄ܟ̮ܚܸܐ ܓܵܘ ܡܚܵܘܝܵܢܲܢ ܫܵܘܬܵܦܵܝܵܐ.
ܐܲܝܟܵܐ ܐܵܢܵܐ ܡܵܨܸܢ ܝ̄ܠܵܝܦ݀ܢ ܠܸܫܵܢܵܐ ܐ݀ܢܓܠ݀ܣܢܵܝܵܐ؟
ܠܸܝܪܢܝ݂(ܝ̄ܠܵܦܵܐ) ̄ ܚܲܕ̄ ܫܵܘܦ ̄ ܙܩܵܪܵܐ ܩܵܐ ܝܘ݂ܠܦܵܢܵܐ ܣܲܓܝ݂ ̄ ܠܸܫܵܢܸ̈ܐ
ܬܦܘܿܩ ܒܠܸܝܪܢܝ݂ ܠܡܲܫ̄ܟ̮ܘ݂ܚܸܐ ܟܠܵܣܸ̈ܐ ܕܐ݀ܢܓܠ݀ܣ. ܡܵܘܕܥܵܢܘ݂ܬܵܐ ܟܸܐ ܦܵܝܫܵܐ ܡܘ݂ܩܪ݀ܒ݂ܬܵܐ ܒܠܸܫܵܢܸ̈ܐ ܫܵܘܬܵܦܵܝܸ̈ܐ ܦܪ̈ܝ݂ܫܸܐ ̄
www.lerni.net.au (ܐܲܣܵܪܵܐ ܕܫܵܘܦ ̄ ܙܩܵܪܵܐ ܒܲܪܵܝܵܐ).
ܒܵܬܸ̈ܐ ܢܘ݂ܦܵܩܵܐ ܘܡܲܣܚܵܝܸ̈ܐ
ܩ݀ܢܛܪ̈ܘܿܢܲܢ ܕܢܘ݂ܝܵܚܵܐ ܟܸܐ ܡܲܩܪ݀ܒ݂ܝ݂ ܠܟܠ ܡ݀ܢܕܝ݂ ܕܐܲܢ̄ܬ ܗܵܘܝܵܐ ܕܒܵܥܸܬ، ܒ݀ܚܒ݂ܵܫܵܐ ܒܵܬܸ̈ܐ ܢܘ݂ܦܵܩܵܐ، ܡܲܣܚܵܝܸ̈ܐ، ܟܠܵܣܸ̈ܐ ܕܚܫܝ݂ܚܘ݂ܬܵܐ ܒܵܬܸ̈ܐ ܨܲܪܘܵܐ، ܒܵܬܸ̈ܐ ܚܝܵܦܵܐ، ܙܘܿܡܸ̈ܐ ܘܙܵܘܕܵܐ. ܐܲܚܢܲܢ ܐܲܦܙܸܐ ܟܸܐ ܡܲܩܪ݀ܒ݂ܲܚ ܚܲܕ̄ ܡ݀ܢܝܵܢܵܐ ܕܕܠܝ݂ܠܘ݂ܝܵܬܸ̈ܐ ܐܲܝܢܝ݂ ܕܟܸܐ ܗܲܝ݀ܪܝ݂ ܠܐ̄ܢܵܫܸ̈ܐ ܕܐܝ݂ܬ ܠܗ̄ܘܿܢ ܢܲܫܝ݂ܫܘ݂ܝܵܬܸ̈ܐ ܠܡܲܦܠܘ݂ܚܸܐ ܠܩ݀ܢܛܪ̈ܘܿܢܸܐ.
ܕܘ݂ܟܵܢܸ̈ܐ ܕܩ݀ܢܛܪ̈ܘܿܢܸܐ ܕܢܘ݂ܝܵܚܵܐ ܕܗܝܘ݂ܡ:
ܩ݀ܢܛܪܘܿܢ ܕܢܘ݂ܝܵܚܵܐ ܕܒܪܘܿܕܡܸܝܕܘܿܣ ܝ݂ܠܸܗ ܓܵܘ ܩܘ݂ܪܢܝ݂ܬܵܐ ܕ Pearcedale Parade and Dimboola Road, Broadmeadows 3047
ܬܸܝܠܝ݂ܦ̮ܘܿܢ: 8500 9309
ܩ݀ܢܛܪܘܿܢ ܕܢܘ݂ܝܵܚܵܐ ܕܟܪܵܝܓܝ݂ܒܸܪܢ ܝ݂ܠܸܗ ܓܵܘ Craigieburn Road, Craigieburn 3064
ܬܸܝܠܝ݂ܦ̮ܘܿܢ: 2022 9308
ܩ݀ܢܛܪܘܿܢ ܕܡܝ݂ܵܐ ܘܕܢܘ݂ܝܵܚܵܐ ܕܨܲܢܒܘ݂ܪܝ݂ ܝ݂ܠܸܗ ܓܵܘ 20 Ligar Street, Sunbury 3429
ܬܸܝܠܝ݂ܦ̮ܘܿܢ: 9766 9740
ܩܲܘܲܡܝܵܬܸ̈ܐ ܘܙܘ݂ܝܵܚܸ̈ܐ
ܩܲܘܲܡܝܵܬܸ̈ܐ ܘܙܘ݂ܝܵܚܸ̈ܐ ܚܲܕ̄ ܣܲܗ̄ܡܵܐ ܝ̄ܢܵܐ ܡܲܟܡ݀ܠܵܢܵܐ ܕܚܲܝܘ݂ܬܵܐ ܓܵܘ ܗܝܘ݂ܡ ܐܲܝܟ݂ ܕܐܵܢܝ݂ ܟܸܐ ܚܲܝ݀ܕܝ݂ ܠܫܵܘܬܵܦܘ݂ܬܵܐ ܡܐ݀ܚܕܵܕܸܐ ܓܵܘ ܡܙܲܝܵܚܬܵܐ ܘܟܸܐ ܫܵܒ݂ܩܝ݂ ܠܲܢ ܕܡܲܕܥܸܝܲܚ ܘܒܲܠܒܸܝܲܚ ܠܥܲܬܝ݂ܪܘ݂ܬܵܐ ܘܠܦܪܝ݂ܫܘ݂ܬܵܐ ܡܲܪܕܘ݂ܬܵܢܵܝܬܵܐ ܕܡܕܝ݂ܢ̄ܬܲܢ. ܐܲܚܢܲܢ ܟܸܐ ܡܲܩܪ݀ܒ݂ܲܚ ܪܵܒܵܐ ܙܘ݂ܝܵܚܸ̈ܐ ܓܵܘܵܐ ܕܫܸܢ̄ܬܵܐ، ܒ݀ܚܒ݂ܵܫܵܐ ܙܘ݂ܝܵܚܵܐ ܕܡܘܿܣܝ݂ܩܝ݂ ܕܗܝܘ݂ܡ ܓܵܘ ܒܸܝܬ ܢܝ݂ܣܵܢܸ̈ܐ، ܙܘ݂ܝܵܚܵܐ ܕܒܪܘܿܕܡܸܝܕܘܿܣ ܓܵܘ ܬ݀ܫܪܝ݂ܢ ܒ، ܙܡܲܪ̈ܝܵܬܸܐ ܕܥܸܐܕܵܐ ܥܲܠ ܒܲܗܪܵܐ ܕܦܘ݂ܢܕܸ̈ܐ ܓܵܘ ܟܵܢܘܿܢ ܐ، ܘܙܘ݂ܝܵܚܵܐ ܕܟܪܵܝܓܝ݂ܒܸܪܢ ܓܵܘ ܫܒ݂ܲܛ. ܪܵܒܵܐ ܓܘ݂ܫܡܸ̈ܐ ܐ̄ܚܸܪ̈̄ܢܸܐ ܟܸܐ ܡܲܪܚ݀ܛܝ݂ ܙܘ݂ܝܵܚܸ̈ܐ ܘܩܲܘܲܡܝܵܬܸ̈ܐ ܓܵܘ ܗܝܘ݂ܡ.
ܓܲܢܝܵܬܸ̈ܐ ܘܒܵܬܸ̈ܐ ܫ݀ܥܝܵܐ
ܓܲܢܝܵܬܸ̈ܐ ܕܗܝܘ݂ܡ ܟܸܐ ܡܲܩܪ݀ܒ݂ܝ݂ ܚܲܕ̄ ܡ݀ܢܝܵܢܵܐ ܡ݂ܢ ܕܠܝ݂ܠܘ݂ܝܵܬܸ̈ܐ، ܒ݀ܚܒ݂ܵܫܵܐ ܢܵܓ݂ܸ̈ܐ، ܐܵܢܲܢܩܘܿܢ، ܣܦܘ݂ܩܝܵܬܸ̈ܐ ܕܚܙܵܝܬܵܐ، ܬܝܵܒ݂ܝܵܬܸ̈ܐ، ܓ݀ܫܪ̈ܵܢܸܐ̱، ܒܲܠܟܘܿܢܸܻ̈ܐ، ܒܵܬܸ̈ܐ ܫ݀ܥܝܵܐ، BMX ܘܓܲܢܝܵܬܸ̈ܐ ܕܡܲܓ̮ܪܲܛܬܵܐ. ܐܝ݂ܬ݀ܢ ܓܲܢܝܵܬܸ̈ܐ ܘܒܵܬܸ̈ܐ ܫ݀ܥܝܵܐ ܓܵܘ ܟܠܵܗܿ ܗܝܘ݂ܡ.
ܐܲܬܠܝܼܛܵܝܘܼܬܵܐ ܘܦܘܼܪܓܵܝܵܐ
ܡܕܝ݂ܢ̄ܬܵܐ ܕܗܝܘ݂ܡ ܟܸܐ ܡܲܩܪ݀ܒ݂ܵܐ ܚܕܵܐ ܦܪܝ݂ܫܘ݂ܬܵܐ ܪܘܝ݂ܚܬܵܐ ܕܦܘ݂ܪ̈ܣܸܐ ܐܲܬܠܝ݂ܛܵܝܸ̈ܐ ܘܦܘ݂ܪ̈ܓܵܝܸܐ ܩܵܐ ܥܵܡܘܿܪܸ̈ܐ ܕܟܠܵܝܗ̈ܝ ܥܘ݂ܡܪܸ̈ܐ، ܒ݀ܚܒ݂ܵܫܵܐ ܓܘ݂ܬܬܵܐ ܕܣܵܠܬܵܐ، ܟܪܝ݂ܟܸܝܬ، ܓܘ݂ܬܬܵܐ ܪܦܝ݂ܬܵܐ، ܓܘ݂ܬܬܵܐ ܕܓܲܪܕܵܐ، ܒܵܕܡ݀ܢܬܘܿܢ، ܬܸܝܢ݀ܣ، ܨܘܿܟܸܝܪ، ܓܘ݂ܬܬܵܐ ܕܡܲܪܓܵܐ ܘܓܘ݂ܬܬܵܐ ܕܐܲܩܠܵܐ.
ܕܲܪܵܓ݂ܬܵܐ ܘܪܚܲܫܬܵܐ
ܚܙܝ݂ ܠܡܕܝ݂ܢ̄ܬܲܢ ܫ݀ܟܠܲܢܬܵܐ، ܝܲܢ ܒܐܲܩܠܵܐ ܝܲܢ ܒܝܲܕ ܕܲܪܲܓ݂ܬܵܐ ܒܡܲܦܠܵܚܬܵܐ ܕܫܵܘܦܸ̈ܐ ܕܐܲܩܠܵܐ ܕܕܲܪܵܓ݂ܬܵܐ ܘܪ̄ܚܲܫܬܵܐ ܦ݀ܪ̈ܝܸܐ ܕܗܝܘ݂ܡ.

 

 


Updated : 1:02 PM, 5 July 2013

What's Near Me?