ܝܲܗܠܲܢ ܕܪܵܒܵܐ ܠܸܫܵܢܹ̈ܐ ܟܹܐ ܗܲܡܙܸܡ ܒܠܸܫܵܢܵܐ ܥܲܪܵܒܵܝܵܐ، ܬܘܼܪܟܵܝܵܐ، ܝܵܘܢܵܝܵܐ، ܘܠܸܥܙܵܐ ܠܸܒܼܢܵܢܵܝܵܐ ܕܠܸܫܵܢܵܐ ܥܲܪܵܒܵܝܵܐ، ܗܸܢܕܘܵܝܵܐ ܘܐܸܛܵܠܢܵܝܵܐ. ܐܲܚܬܘܿܢ ܡܵܨܝܼܬܘܿܢ ܗܲܡܙܸܡܝܼܬܘܿܢ ܥܲܡܲܢ ܒܚܲܕ ܡܼܢ ܕܐܲܢܹܐ ܠܸܫܵܢܹ̈ܐ ܒܩܪܵܝܬܲܢ ܥܲܠ ܬܹܠܹܦ̮ܘܿܢ ܡܸܢܝܵܢܵܐ 2200 9205 ܒܹܝܠ ܣܵܥܲܬ 8 ܒܩܲܕܵܡܬܵܐ ܘܗܲܠ ܣܵܥܲܬ 5 ܒܪܲܡܫܵܐ ܒܝܵܘܡܵܢܹ̈ܐ ܡܘܼܕܟܼܸܪܹܐ ܐܸܠܬܸܚܬ:
ܥܲܪܵܒܵܝܵܐ: ܝܵܘܡܵܢܹ̈ܐ ܕܬܪܹܝܢܒܼܫܲܒܵܐ ܘܚܲܡܫܵܒܼܫܲܒܵܐ
ܬܘܼܪܟܵܝܵܐ:ܝܵܘܡܵܢܹ̈ܐ ܕܬܠܵܬܒܼܫܲܒܵܐ ܘܐܲܪܒܲܥܒܼܫܲܒܵܐ
ܝܵܘܢܵܝܵܐ: ܝܵܘܡܵܢܹ̈ܐ ܕܐܲܪܒܲܥܒܼܫܲܒܵܐ
ܘܠܸܥܙܵܐ ܠܸܒܼܢܵܢܵܝܵܐ ܕܠܸܫܵܢܵܐ ܥܲܪܵܒܵܝܵܐ: ܝܵܘܡܵܢܹ̈ܐ ܕܬܠܵܬܒܼܫܲܒܵܐ ܘܥܪܘܼܒܼܬܵܐ
ܗܸܢܕܘܵܝܵܐ: ܝܵܘܡܵܢܹ̈ܐ ܕܥܪܘܼܒܼܬܵܐ
ܐܸܛܵܠܢܵܝܵܐ: ܝܵܘܡܵܢܹ̈ܐ ܕܬܪܹܝܢܒܼܫܲܒܵܐ
ܟܹܐ ܗܲܡܙܸܡܝܼܬܘܿܢ ܚܲܕ ܠܸܫܵܢܵܐ ܐ݉ܚܹܪ݉ܢܵܐ؟ ܗܵܠܵܐ ܡܵܨܲܚ ܗܲܝܸܪܲܚ ܠܵܘܟܼܘܿܢ. ܡܲܚܒܸܪܘܼܢ ܘܐ݉ܡܘܿܪܘܼܢ ܠܲܢ ܡܘܿܕܝ݉ ܠܸܫܵܢܵܐ ܟܹܐ ܗܲܡܙܸܡܝܼܬܘܿܢ، ܘܐܲܚܢܲܢ ܡܵܨܲܚ ܡܲܪܝܸܙܲܚ ܚܲܕ ܬܲܪܓܡܵܢܵܐ ܡܲܓܵܢ ܡܼܢ ܥܲܠ ܕܬܹܠܹܦ̮ܘܿܢ.
ܒܵܥܝܼܬܘܿܢ ܐܲܚܢܲܢ ܡܲܚܒܸܪܲܚ ܠܵܘܟܼܘܿܢ؟ ܐܲܚܢܲܢ ܟܹܐ ܡܲܩܪܸܒܼܲܚ ܚܕܵܐ ܚܸܠܡܲܬ ܡܲܓܵܢܵܝܬܵܐ ܕܬܢܵܝܬܵܐ ܕܡܲܚܒܲܪܬܵܐ. ܓܲܒܹܝܡܘܼܢ ܗܿܝ ܥܸܕܵܢܵܐ ܒܘܼܫ ܠܚܝܼܡܬܵܐ ܩܵܐܠܵܘܟܼܘܿܢ ܓܵܘ ܐܵܗܵܐ ܦܸܬܩܵܐ (ܦ̮ܘܿܪܡ) ܕܐܸܠܬܸܚܬ:
:ܬܹܠܹܦ̮ܘܿܢ 9205 2200
ܡܼܢ ܣܵܥܲܬ 8 ܒܩܲܕܵܡܬܵܐ ܗܲܠ ܣܵܥܲܬ 5 ܒܪܲܡܫܵܐ، ܝܵܘܡܵܢܹ̈ܐ ܕܬܪܹܝܢܒܫܲܒܵܐ ܗܲܠ ܥܪܘܼܒܼܬܵܐ
ܐܝܼܡܵܝܠ: contactus@hume.vic.gov.au
ܐܸܢ ܒܵܣܡܵܐ ܠܵܘܟܼܘܿܢ ܡܲܣܸܡܘܼܢ ܒܵܠܵܐ: ܐܝܼܡܲܢ ܕܢܵܩܪܝܼܬܘܿܢ ܩܵܐ ܕܫܲܢܝܼܬܘܿܢ ܡܼܢ ܚܕܵܐ ܦܵܬܵܐ ܐܸܠܸܟܬܪܘܿܢܵܝܬܵܐ ܠܚܕܵܐ ܦܵܬܵܐ ܐ݉ܚܪܹܬܵܐ، ܒܲܠܟܵܐ ܕܵܥܪܝܼ ܦܲܬܘܵܬܹ̈ܐ ܘܗܵܘܝܼ ܒܠܸܫܵܢܵܐ ܐܸܢܓܠܸܣܢܵܝܵܐ. ܓܲܒܹܝܡܘܼܢ ܗܿܘ ܠܸܫܵܢܵܐ ܕܡܲܚܘܼܒܹܐ ܝܬܘܿܢ ܡܼܢ ܣܸܕܪܵܐ ܡܘܼܨܠܸܝܵܐ ܡܼܢ ܥܲܠ ܓܹܒܵܐ ܥܸܠܵܝܵܐ ܕܝܲܡܝܼܢܵܐ ܕܦܵܬܵܐ. ܚܲܕܟܡܵܐ ܦܵܬܘܵܬܹ̈ܐ ܥܲܠ ܕܐܵܗܵܐ ܫܵܘܦܵܐ ܐܸܠܸܟܬܪܘܿܢܵܝܵܐ ܟܹܐ ܡܲܦܠܸܚܝܼ ܬܲܪܓܲܡܬܵܐ ܒܡܲܫܝܼܢܵܐ. ܦܸܬܩܹ̈ܐ ܥܲܠ ܕܐܵܗܵܐ ܫܵܘܦܵܐ ܐܸܠܸܟܬܪܘܿܢܵܝܵܐ ܦܝܼܫܹܐ ܝܢܵܐ ܟܬܝܼܒܼܹܐ ܒܠܸܫܵܢܵܐ ܐܸܢܓܠܸܣܢܵܝܵܐ. ܡܲܚܒܸܪܘܼܢ ܠܲܢ ܐܸܢ ܣܢܝܼܩܹܐ ܝܬܘܿܢ ܠܗܲܝܲܪܬܵܐ ܒܡܠܵܝܬܵܐ ܕܐܲܢܹܐ ܦܸܬܩܹ̈ܐ.
ܬܲܫܪܲܪܬܵܐ ܕܚܕܵܐ ܨܒܼܘܼܬܵܐ
ܡܲܝܕܸܥܘܼܢ ܠܲܢ ܒܘܼܬ ܟܠ ܚܕܵܐ ܡܼܢ ܨܒܼܘܼܝܵܬܹ̈ܐ ܕܗܵܘܝܼ ܓܵܘ Hume، ܒܸܚܒܼܵܫܵܐ ܟܬܵܒܼܬܵܐ ܥܲܠ ܓܘܼܕܵܢܹ̈ܐ، ܨܲܢܕܘܼܩܹ̈ܐ ܛܠܝܼܩܹ̈ܐ ܝܲܢ ܚܪ̈ܝܼܒܼܹܐ، ܦܲܥܘܵܢܹ̈ܐ ܕܐܝܼܠܵܢܹ̈ܐ ܢܦܝܼܠܹ̈ܐ، ܩܘܼܢܝܵܢܹ̈ܐ ܕܒܼܝܼܩܹ̈ܐ، ܟ̰ܸܩܘܼܪ̈ܝܵܬܹܐ ܓܵܘ ܓ̰ܲܕܵܢܹ̈ܐ ܡܲܗܲܠܵܝܹ̈ܐ ܘܨܒܼܘܼܝܵܬܹ̈ܐ ܐ݉ܚܹܪ̈݉ܢܹܐ ܙܵܘܕܵܐ.
ܡܲܦܠܸܚܘܼܢ Snap Send Solve (ܡܸܬܩܵܢܝܵܢܵܐ ܥܲܠ Apple iPhone، Android Smart Phone ܝܲܢ ܬܘܼܠܚܵܡܵܐ ܕܫܵܘܦܵܐ ܐܸܠܸܟܬܪܘܿܢܵܝܵܐ ܒܠܸܫܵܢܵܐ ܐܸܢܓܠܸܣܢܵܝܵܐ ܘܠܸܫܵܢܵܐ ܟ̰ܝܼܢܵܝܵܐ ܡܘܼܦܫܸܛܵܐ) ܠܡܲܝܕܵܥܬܵܐ ܒܘܼܕ ܚܕܵܐ ܨܒܼܘܼܬܵܐ ܝܲܢ ܦܸܬܩܵܐ ܕܐܸܠܬܸܚܬ. ܦܫܝܼܛܵܐܝܼܬ ܡܲܝܕܸܥܘܼܢ ܠܲܢ ܐܲܝܟܵܐ، ܫܩܘܿܠܘܼܢ ܚܕܵܐ ܨܘܼܪܬܵܐ ܘܐܲܚܢܲܢ ܒܸܕ ܡܕܲܒܪܲܚ ܠܗܿܝ ܨܒܼܘܼܬܵܐ.
ܐܸܢ ܨܒܼܘܼܬܵܘܟܼܘܿܢ ܐܝܼܬܠܵܗܿ ܩܸܢܛܵܐ ܥܲܠ ܫܲܝܢܘܼܬܵܐ (ܣܲܠܵܡܲܬܘܼܬܵܐ)، ܝܲܢ ܐܸܢ ܒܵܥܝܼܬܘܿܢ ܗܲܡܙܸܡܝܼܬܘܿܢ ܥܲܡ ܚܲܕ ܦܲܪܨܘܿܦܵܐ ܩܵܐ ܕܡܲܩܪܸܒܼܝܼܬܘܿܢ ܚܲܕ ܬܲܫܪܵܪܵܐ، ܡܲܚܒܸܪܘܼܢ ܠܲܢ ܥܲܠ ܡܸܢܝܵܢܵܐ 9205 2200.
ܡܘܿܕܝܼ ܡܵܘܕܥܵܢܘܼܬܵܐ ܐܲܚܬܘܿܢ ܛܲܥܘܼܝܹܐ ܝܬܘܿܢ ܒܵܬ݉ܪܘܿܗܿ ܐܸܕܝܘܿܡ؟
ܬܢܵܝܬܵܐ ܕܡܲܦܠܲܚܬܵܐ، ܙܸܒܠܵܐ ܘܓ̰ܲܡܲܥܬܵܐ ܕܡܸܢܕܝܼܵܢܹ̈ܐ ܖ̈ܘܼܦܝܹܐ
ܛܲܥܹܝܡܘܼܢ ܠܐܲܟܼܵܐ ܒܡܲܥܒܼܲܪܬܵܐ ܕܐܵܕܪܸܣܵܘܟܼܘܿܢ ܩܵܐ ܕܝܵܕܥܝܼܬܘܿܢ ܐܲܝܢܝܼ ܝܵܘܡܵܐ ܒܸܕ ܦܵܐܹܫ ܣܘܼܦܩܵܐ ܨܲܢܕܘܼܩܵܘܟܼܘܿܢ ܘܡܘܿܕܝܼ ܫܵܒܼܘܿܥܵܐ ܦܵܠܛܝܼܬܘܿܢ ܠܗܘܿܢ ܨܲܢܕܘܼܩܹ̈ܐ ܕܬܢܵܝܬܵܐ ܕܡܲܦܠܲܚܬܵܐ ܘܕܡܹܐܟܼܘܼܠܬܵܐ ܘܓܸܠܵܠܹ̈ܐ ܕܓܲܢܬܵܐ.
ܨܲܢܕܘܼܩܹ̈ܐ ܕܙܸܒܠܵܐ (ܩܲܦܲܟܼܬܵܐ ܣܡܘܿܩܬܵܐ) ܦܝܼܫܹܐ ܝܢܵܐ ܣܘܼܦܩܹܐ ܟܠ ܫܵܒܼܘܿܥܵܐ.
ܨܲܢܕܘܼܩܹ̈ܐ ܕܬܢܵܝܬܵܐ ܕܡܲܦܠܲܚܬܵܐ (ܩܲܦܲܟܼܬܵܐ ܙܲܪܕܵܢܵܝܬܵܐ) ܦܝܼܫܹܐ ܝܢܵܐ ܣܘܼܦܩܹܐ ܟܠ ܬܪܹܝܢ ܫܵܒܼܘܿܥܹ̈ܐ.
ܨܲܢܕܘܼܩܹ̈ܐ ܕܡܹܐܟܼܘܼܠܬܵܐ ܘܓܸܠܵܠܹ̈ܐ ܕܓܲܢܬܵܐ (ܩܲܦܲܟܼܬܵܐ ܩܝܼܢܬܵܐ) ܦܝܼܫܹܐ ܝܢܵܐ ܣܘܼܦܩܹܐ ܟܠ ܬܪܹܝܢ ܫܵܒܼܘܿܥܹ̈ܐ، ܒܬܲܚܠܲܦܬܵܐ ܥܲܡ ܨܲܢܕܘܼܩܹ̈ܐ ܕܬܢܵܝܬܵܐ ܕܡܲܦܠܲܚܬܵܐ. ܟܠܲܝܗܝ ܡܹܐܟܼܘܼܠܝܵܬܹ̈ܐ ܚܪ̈ܝܼܒܼܹܐ ܡܵܨܝܼ ܦܵܝܫܝܼ ܪܘܼܦܝܹܐ ܓܵܘ ܨܲܢܕܘܼܩܹ̈ܐ ܕܡܹܐܟܼܘܼܠܬܵܐ ܘܓܸܠܵܠܹ̈ܐ ܕܓܲܢܬܵܐ.
ܐܸܢ ܐܵܕܝܼܵܐ ܠܲܝܬ ܠܵܘܟܼܘܿܢ ܚܲܕ ܨܲܢܕܘܼܩܵܐ ܕܡܹܐܟܼܘܼܠܬܵܐ ܘܓܸܠܵܠܹ̈ܐ ܕܓܲܢܬܵܐ، ܐܸܢ ܒܵܣܡܵܐ ܠܵܘܟܼܘܿܢ ܝܕܸܥܡܘܼܢ ܕܟܠܚܲܕ ܡܵܪܵܐ ܕܒܲܝܬܵܐ ܓܵܘ Hume ܒܸܕ ܩܲܒܸܠ ܚܲܕ ܨܲܢܕܘܼܩܵܐ ܒܣܝܼܩܘܿܡܵܐ ܕ 1 ܬܲܡܘܼܙ 2024.
ܐܸܢ ܣܢܝܼܩܹܐ ܝܬܘܿܢ ܠܚܲܕ ܨܲܢܕܘܼܩܵܐ ܒܓܘܼܒ݂ܪܘܼܬܵܐ ܦܪܝܼܫܬܵܐ، ܝܲܢ ܐܸܢ ܚܲܕ ܡܼܢ ܨܲܢܕܘܼܩܵܘܟܼܘܿܢ ܛܠܝܼܩܠܹܗ ܝܲܢ ܫܡܝܼܛܠܹܗ، ܡܠܹܝܡܘܼܢ ܠܹܗ ܦܸܬܩܵܐ ܕܥܲܠ ܐܸܢܬܸܪܢܸܬ ܒܠܸܫܵܢܵܐ ܐܸܢܓܠܸܣܢܵܝܵܐ ܝܲܢ ܩܪܹܝܡܘܼܢ ܠܲܢ ܩܵܐ ܛܠܵܒܬܵܐ ܕܗܲܝܲܪܬܵܐ.
ܐܲܚܢܲܢ ܐܵܦ ܐܝܼܬܠܲܢ ܚܸܠܡܲܬܹ̈ܐ ܡܲܓܵܢܵܝܹ̈ܐ ܩܵܐ ܕܗܲܝܸܪܲܚ ܠܵܘܟܼܘܿܢ ܕܪܲܦܹܝܬܘܿܢ ܠܙܸܒܠܵܐ ܥܲܣܩܵܐ ܐܲܝܟܼ ܩܲܢܵܦܹ̈ܐ ܥܲܬܝܼܩܹ̈ܐ، ܬܘܼܩܵܢܹ̈ܐ، ܒܵܬܪ̈ܝܼܹܐ ܘܦܵܥܘܵܢܹ̈ܐ ܕܐܝܼܠܵܢܹ̈ܐ.
ܡܵܨܝܼܬܘܿܢ ܫܵܩܠܝܼܬܘܿܢ ܚܲܕ ܡܵܘܥܕܵܐ ܓܵܘ ܬܪܹܝܢ ܓ̰ܲܡܲܥܝܵܬܹ̈ܐ ܡܼܢ ܒܲܝܬܵܘܟܼܘܿܢ ܟܠ ܫܲܢ݉ܬܵܐ. ܠܐܲܟܼܵܐ ܐܝܼܬ ܚܲܕ ܒܼܝܼܕܝܘܿ ܦܲܫܘܼܩܹܐ ܕܵܐܟܼܝܼ ܠܫܩܵܠܵܐ ܡܵܘܥܕܵܐ.
ܐܵܦ ܡܵܨܝܼܬܘܿܢ ܡܲܦܠܸܚܝܼܬܘܿܢ ܬܪܹܝܢ ܦܸܬܩܹ̈ܐ ܡܲܓܵܢܵܝܹ̈ܐ ܟܠ ܫܲܢ݉ܬܵܐ ܩܵܐ ܕܠܲܒܠܝܼܬܘܿܢ ܠܹܗ ܙܸܒܠܵܘܟܼܘܿܢ ܠܕܘܼܟܬܵܐ ܕܪܲܦܲܝܬܵܐ ܕܙܸܒܠܵܐ.
ܐܲܚܢܲܢ ܐܝܼܬܠܲܢ ܐܲܪܒܥܵܐ ܝܵܘܡܵܢܹ̈ܐ ܕܬܲܡܲܙܬܵܐ ܕ Hume ܟܠ ܫܲܢ݉ܬܵܐ ܐܲܝܟܵܐ ܕܐܲܚܬܘܿܢ ܡܵܨܝܼܬܘܿܢ ܠܲܒܠܝܼܬܘܿܢ ܠܗܘܿܢ ܩܲܢܵܦܵܘܟܼ̈ܘܿܢ، ܬܸܫܘܝܼܵܬܵܘܟܼ̈ܘܿܢ، ܬܵܝܵܪ̈ܵܘܟܼܘܿܢ ܘܬܘܼܩܵܢܵܘܟܼ̈ܘܿܢ ܠܕܘܼܟܬܵܐ ܕܪܲܦܲܝܬܵܐ ܕܙܸܒܠܵܐ ܡܲܓܵܢ.
ܐܲܚܬܘܿܢ ܡܵܨܝܼܬܘܿܢ ܠܲܒܠܝܼܬܘܿܢ ܦܵܥܘܵܢܹ̈ܐ ܓܘܼܒܼܪܹ̈ܐ ܡܼܢ ܐܝܼܠܵܢܹ̈ܐ ܕܓܵܘ ܓܲܢܬܵܘܟܼ̈ܘܿܢ ܠܝܵܘܡܵܢܹ̈ܐ ܕܡܟܲܣܲܝܬܵܐ ܡܲܓܵܢܵܝܹ̈ܐ ܕܕܝܼܲܢ.
ܐܵܦ ܡܵܨܝܼܬܘܿܢ ܠܲܒܠܝܼܬܘܿܢ ܠܗܘܿܢ ܒܵܬܪ̈ܝܼܹܐ ܘܡܸܢܕܝܼܵܢܹ̈ܐ ܐ݉ܚܹܪ̈݉ܢܹܐ ܕܦܵܝܫܵܐ ܬܢܝܼܬܵܐ ܡܲܦܠܲܚܬܲܝܗܝ ܕܐܲܚܬܘܿܢ ܠܵܐ ܡܵܨܝܼܬܘܿܢ ܪܲܦܝܼܬܘܿܢ ܠܗܘܿܢ ܓܵܘ ܨܲܢܕܘܼܩܹ̈ܐ ܕܕܝܼܵܘܟܼܘܿܢ ܠ ܫܵܘܦܵܢܹ̈ܐ ܚܲܕܸܪܘܵܢܹܐ ܕܗܝܘܼܡ.
ܩܵܐ ܚܲܕ ܡܗܲܕܝܵܢܵܐ ܒܸܚܒܼܵܫܵܐ ܦܘܼܨܵܠܹ̈ܐ ܩܵܐ ܟܠܲܝܗܝ ܚܸ̈ܠܡܲܬܲܢ ܕܪܲܦܲܝܬܵܐ ܕܡܸܢܕܝܼܵܢܹ̈ܐ، ܒܸܚܒܼܵܫܵܐ ܡܘܿܕܝܼ ܡܵܨܝܼܬܘܿܢ ܘܠܵܐ ܡܵܨܝܼܬܘܿܢ ܪܲܦܝܼܬܘܿܢ ܓܵܘ ܟܠܚܲܕ ܨܲܢܕܘܼܩܵܐ، ܡܲܨܠܝܼܡܘܼܢ ܡ݂ܢ ܐܸܢܬܸܪܢܹܝܬ ܠܡܗܲܕܝܵܢܵܐ ܕܪܲܦܲܝܬܵܐ ܡܸܢܕܝܼܵܢܹ̈ܐ.
Waste Guide(PDF, 944KB)
ܒܵܬܲܝ̈ ܐܲܪ̈ܟܹܐ
ܐܝܼܬ ܚܲܡܫܵܐ ܒܵܬܲܝ̈ ܐܵܪ̈ܟܹܐ ܓܵܘ Hume ـ ܓܵܘ Broadmeadows، Craigieburn، Gladstone Park، Sunbury، ܘ Tullamarine. ܗܲܕܵܡܵܝܘܼܬܵܐ ܕܒܵܬܲܝ̈ ܐܵܪ̈ܟܹܐ ܝܼܠܵܗܿ ܡܲܓܵܢ ܩܵܐ ܟܠܲܝܗܝ ܗܲܕܵܡܹ̈ܐ ܕܟܢܘܼܫܬܵܐ.
ܟܠܲܝܗܝ ܒܵܬܲܝ̈ ܐܵܪ̈ܟܹܐ ܐܝܼܬܠܗܘܿܢ Wi-Fi ܘܟܘܼܡܦܝܘܼܬܵܪܹ̈ܐ ܥܲܡܵܝܹ̈ܐ ܩܵܐ ܡܲܦܠܲܚܬܵܐ ܕܠܵܐ ܦܪܵܥܬܵܐ ܕܙܘܼܙܹ̈ܐ.
ܐܝܼܬܠܲܢ ܟܬܵܒܼܹ̈ܐ، ܡܓܼܲܠܹ̈ܐ ܘܡܲܒܘܼܥܹ̈ܐ ܐ݉ܚܹܪ̈݉ܢܹܐ ܒܠܸܫܵܢܵܐ ܐܸܢܓܠܸܣܢܵܝܵܐ ܘܒܠܸܫܵܢܵܐ ܕܓܵܢܵܘܟܼܘܿܢ ܕܡܵܨܝܼܬܘܿܢ ܡܲܕܝܸܢܝܼܬܘܿܢ ܠܗܘܿܢ.
ܐܲܚܢܲܢ ܐܵܦ ܡܵܨܲܚ ܡܲܪܚܸܛܲܚ ܚܘܼܪ̈ܙܹܐ ܡܲܓܵܢܵܝܹ̈ܐ ܕܒܵܬܲܝ̈ ܐܵܪ̈ܟܹܐ ܐܲܝܟܼ ܥܸܕܵܢܵܐ ܕܗܲܩܝܲܬܹ̈ܐ, ܣܸܷܕܖܹ̈ܐ ܕܟܘܼܡܦܝܘܼܬܸܪ ܒܬܪܹܝܢ ܠܸܫܵܢܹ̈ܐ ܘ ܕܵܣܝܵܬܹ̈ܐ ܕܗܲܡܙܲܡܬܵܐ ܒܠܸܫܵܢܵܐ ܐܸܢܓܠܸܣܢܵܝܵܐ.
ܡܵܨܝܼܬܘܿܢ ܫܲܪܸܟܝܼܬܘܿܢ ܓܵܘ ܒܹܝܬ ܐܵܪ̈ܟܹܐ ܦܲܪܨܘܿܦܵܐܝܼܬ ܒܟܠ ܦܸܪܥܵܐ ܕܒܵܬܲܝ̈ ܐܵܪ̈ܟܹܐ ܕܗܝܘܼܡ ܕܗܵܘܹܐ. ܒܸܕ ܣܵܢܩܝܼܬܘܿܢ ܕܡܲܲܚܙܝܼܬܘܿܢ ܗܲܝܵܝܘܼܬܵܘܟܼܘܿܢ ܥܲܡ ܐܵܕܪܸܣܵܘܟܼܘܿܢ ܗܵܫܵܝܵܐ.
ܝܘܼܠܦܵܢܵܐ
ܩܸܢܛܪ̈ܘܿܢܹܐ ܕܟܢܘܼܫܬܵܐ ܕܕܝܼܲܢ ܟܹܐ ܡܲܩܪܸܒܼܝܼ ܚܲܕ ܡܸܢܝܵܢܵܐ ܕܚܘܼܪ̈ܙܹܐ ܕܝܘܼܠܦܵܢܵܐ، ܕܐܘܼܪܚܵܐ ܕܚܲܝܘܼܬܵܐ ܘܚܘܼܪ̈ܙܹܐ ܡܲܪ̈ܕܘܼܬܵܢܵܝܹܐ ܒܸܚܒܼܵܫܵܐ ܣܸܕܪܹ̈ܐ ܕܠܸܫܵܢܵܐ ܐܸܢܓܠܸܣܢܵܝܵܐ، ܣܸܕܪܹ̈ܐ ܐܸܣܵܝܹ̈ܐ ܕܟܘܼܡܦܝܘܼܬܸܪ ܘܩܲܘܲܡܝܵܬܹ̈ܐ ܕܟܢܘܼܫܬܵܐ. ܪܵܒܵܐ ܡܼܢ ܕܐܲܢܹܐ ܩܸܢܛܪ̈ܘܿܢܹܐ ܝܼܢܵܐ ܡܸܬܩܵܢܝܵܢܹ̈ܐ ܩܵܐ ܐܲܓܼܲܪܬܵܐ ܩܵܐ ܩܲܘܲܡܝܵܬܵܘܟܼ̈ܘܿܢ ܝܲܢ ܥܵܒܼܘܿܕܘܵܬܵܘܟܼ̈ܘܿܢ.
ܩܸܢܛܪ̈ܘܿܢܹܐ ܐܸܠܸܟܬܪ̈ܘܿܢܵܝܹܐ ܕܟܢܘܼܫܬܵܐ ܝܼܢܵܐ ܓܵܘ 15 ܡܲܕܪ̈ܲܫܝܵܬܹܐ ܓܵܘ Hume. ܩܸܢܛܪ̈ܘܿܢܱܐ ܐܸܠܸܟܬܪ̈ܘܿܢܵܝܹܐ ܟܹܐ ܣܵܢܕܝܼ ܠܒܲܝܬܘܼܝܵܬܹ̈ܐ ܒܝܠܵܦܬܵܐ ܕܫܲܒܼܪ̈ܲܝܗܝ ܘܟܹܐ ܡܙܲܘܸܕܝܼ ܦܘܼܪ̈ܣܹܐ ܕܥܲܝܲܕܬܵܐ (ܡܲܠܲܦܬܵܐ) ܩܵܐ ܐܲܒܼܵܗܹ̈ܐ. ܩܸܢܛܪ̈ܘܿܢܱܐ ܐܸܠܸܟܬܪ̈ܘܿܢܵܝܹܐ ܦܬܝܼܚܹܐ ܝܢܵܐ ܩܵܐ ܒܲܝܬܘܼܝܵܬܹ̈ܐ ܓܵܘ ܟܢܘܼܫܬܵܐ ܡܲܗܲܠܵܝܬܵܐ ܘܐܵܦ ܩܵܐ ܒܲܝܬܘܼܝܵܬܹ̈ܐ ܕܡܲܕܪܲܫܬܵܐ.
ܛܝܼܡܹ̈ܐ
ܟܠܲܝܗܝ ܡܵܪ̈ܵܘܵܬܹܐ ܕܡܘܼܠܟܵܢܹ̈ܐ ܓܵܘ ܐܘܿܣܬܪܵܠܝܵܐ ܟܹܐ ܦܵܪܥܝܼ ܛܝܼܡܹ̈ܐ ܩܵܐ ܡܵܘܬܒܼܵܐ ܡܲܗܲܠܵܝܵܐ ܕܕܝܼܲܝܗܝ ܩܵܐ ܕܡܵܨܹܐ ܡܵܘܬܒܼܵܐ ܡܲܩܪܸܒܼ ܚܸܠܡܲܬܹ̈ܐ ܩܵܐ ܟܢܘܼܫܬܵܐ ܐܲܝܟܼ ܦܬܵܚܬܵܐ ܕܓ̰ܲܕܵܢܹ̈ܐ، ܒܵܬܲܝ̈ ܐܲܪ̈ܟܹܐ، ܡܲܫܛܵܚܹ̈ܐ ܕܐܵܬܠܹܝܛܘܼܬܵܐ، ܓܲܢܬܵܐ ܕܫܲܒܼܪܹ̈ܐ، ܘܚܸܠܡܲܬܹ̈ܐ ܕܣܲܦܲܩܬܵܐ ܕܙܸܒܠܵܐ ܘܕܬܢܵܝܬܵܐ ܕܡܲܦܠܲܚܬܵܐ ܕܡܠܘܿܐܹ̈ܐ.
ܦܘܼܪ̈ܥܵܢܹܐ ܕܛܝܼܡܹ̈ܐ ܝܼܢܵܐ ܟܠ ܬܠܵܬܵܐ ܝܲܪ̈ܚܹܐ ܝܲܢ ܡܵܨܝܼܬܘܿܢ ܦܵܪܥܝܼܬܘܿܢ ܠܵܗܿ ܟܠܵܗܿ ܟܡܵܝܘܼܬܵܐ ܕܙܘܼܙܹ̈ܐ ܫܲܢ݉ܬܵܐܝܼܬ. ܐܲܚܬܘܿܢ ܡܵܨܝܼܬܘܿܢ ܦܵܪܥܝܼܬܘܿܢ ܠܛܝܼܡܹ̈ܐ ܕܕܝܼܵܘܟܼܘܿܢ ܡܼܢ ܥܲܠ ܐܸܢܬܸܪܢܸܬ ܒܠܸܫܵܢܵܐ ܐܸܢܓܠܸܣܢܵܝܵܐ ܝܲܢ ܡܲܚܒܸܪܝܼܬܘܿܢ ܥܲܠ ܡܸܢܝܵܢܵܐ 2200 9205 ܘܛܵܠܒܝܼܬܘܿܢ ܕܗܲܡܙܸܡܝܼܬܘܿܢ ܥܲܡ ܚܲܕ ܬܲܪܓܡܵܢܵܐ ܒܠܸܫܵܢܵܘܟܼܘܿܢ. ܐܵܦ ܡܵܨܝܼܬܘܿܢ ܣܲܓܼܸܠܝܼܬܘܿܢ ܕܩܲܒܠܝܼܬܘܿܢ ܠܗܘܿܢ ܛܝܼܡܹ̈ܐ ܕܕܝܼܵܘܟܼܘܿܢ ܓܵܘ ܐܝܼܡܵܝܠ ܕܕܝܼܵܘܟܼܘܿܢ ܡܼܢ ܓܹܒܵܐ ܕܒܐܘܼܪܚܵܐ ܕܒܲܪܝܼܕܵܐ.
ܐܸܢ ܐܝܼܬܠܵܘܟܼܘܿܢ ܥܲܣܩܘܼܬܵܐ ܒܦܪܵܥܬܵܐ ܕܛܝܼܡܹ̈ܐ، ܡܵܨܝܼܬܘܿܢ ܩܲܕܸܡܝܼܬܘܿܢ ܩܵܐ ܚܘܼܛܵܛܵܐ ܕܦܘܼܪܥܵܢܵܐ ܫܵܒܼܘܿܥܵܝܵܐ، ܬܪܹܝܢ ܫܵܒܼܘܿܥܵܝܵܐ ܝܲܢ ܝܲܪܚܵܝܵܐ. ܩܪܹܝܡܘܼܢ ܠܲܢ ܝܲܢ ܩܲܕܸܡܘܼܢ ܩܵܐ ܣܢܵܕܬܵܐ ܕܥܲܣܩܘܼܝܵܬܹ̈ܐ ܟܸܣܦܵܢܵܝܹ̈ܐ ܡܼܢ ܥܲܠ ܐܸܢܬܸܪܢܸܬ ܒܠܸܫܵܢܵܐ ܐܸܢܓܠܸܣܢܵܝܵܐ.
Rates Brochure 2023(PDF, 1007KB)
ܓܵܘ ܫܲܢ݉ܬܵܐ ܕ 2023 ܛܝܼܡܵܐ ܕܡܙܲܘܲܕܬܵܐ ܕܚܸܠܡܲܬܹ̈ܐ ܕܓ̰ܲܡܲܥܬܵܐ ܕܡܸܢܕܝܼܵܢܹ̈ܐ ܖ̈ܘܼܦܝܹܐ ܦܝܼܫܵܐ ܝܗܘܵܐ ܫܝܼܦܵܐ ܡܼܢ ܛܝܼܡܹ̈ܐ ܓܵܘܵܢܵܝܹ̈ܐ ܕܙܘܼܙܹ̈ܐ ܘܦܝܼܫܠܗܘܿܢ ܦܘܼܪܥܵܢܵܐ ܕܓ̰ܲܡܲܥܬܵܐ ܕܡܸܢܕܝܼܵܢܹ̈ܐ ܖ̈ܘܼܦܝܹܐ ܠܕܸܦܢܵܐ ܕܓ̰ܲܕܵܐ ܘܦܘܼܪܥܵܢܵܐ ܕܓ̰ܲܡܲܥܬܵܐ ܕܡܸܢܕܝܼܵܢܹ̈ܐ ܖ̈ܘܼܦܝܹܐ ܥܲܡܵܝܹ̈ܐ، ܣܕܝܼܖܹ̈ܐ ܒܢܲܦ̮ܫܲܝܗܝ ܥܲܠ ܡܥܝܼܪܵܢܘܼܬܵܐ ܕܛܝܼܡܹ̈ܐ ܕܙܘܼܙܹ̈ܐ.
ܐܲܚܢܲܢ ܡܘܼܒܪܹܐܠܲܢ ܚܲܕ ܘܲܪܵܩܵܐ ܕܡܵܘܕܥܵܢܘܼܬܵܐ ܕܦܘܼܪܥܵܢܵܐ ܕܚܸܠܡܲܬ ܕܓ̰ܲܡܲܥܬܵܐ ܕܡܸܢܕܝܼܵܢܹ̈ܐ ܖ̈ܘܼܦܝܹܐ ܩܵܐ ܕܡܙܲܘܸܕܲܚ ܦܘܼܨܵܠܹ̈ܐ ܒܘܼܫ ܙܵܘܕܵܐ.
Waste Service Charge fact sheet(PDF, 163KB)
ܚܲܝܘܵܬܹ̈ܐ ܫܲܝܢܵܝܹ̈ܐ ܘܚܲܝܘܵܬܹ̈ܐ
ܓܵܪܲܓ ܦܵܝܫܝܼ ܙܪܝܼܥܹܐ ܨܸܠܚܹ̈ܐ ܐܸܠܟܬܪ̈ܘܿܢܵܝܹܐ ܥܲܠ ܟܠܲܝܗܝ ܟܲܠܒܹ̈ܐ ܘܩܵܛܘܿܢܝܵܬܹ̈ܐ ܕܝܼܢܵܐ ܒܥܘܼܡܪܵܐ ܒܘܼܫ ܓܘܼܒܼܪܵܐ ܡܼܢ 3 ܝܲܪ̈ܚܹܐ، ܘܦܵܐܹܫ ܫܝܼܦܵܐ ܓܸܢܣܲܝܗܝ ܘܦܵܝܫܝܼ ܣܘܼܓܼܸܠܹܐ ܥܲܡܲܢ. ܩܵܢܘܿܢܵܐ ܒܸܛܠܵܒܵܐ ܝܠܹܗ ܣܲܓܼܲܠܬܵܐ ܕܚܲܝܘܵܬܹ̈ܐ ܫܲܝܢܵܝܹ̈ܐ.
ܩܵܐ ܣܲܓܼܲܠܬܵܐ ܕܚܲܝܘܬܵܐ ܫܲܝܢܵܝܬܵܐ ܕܕܝܼܵܘܟܼܘܿܢ ܩܵܐ ܓܵܗܵܐ ܩܲܕܡܵܝܬܵܐ ܐܲܚܬܘܿܢ ܒܸܕ ܣܵܢܩܝܼܬܘܿܢ:
- ܚܕܵܐ ܢܘܼܣܟܼܵܐ ܕܣܵܗܕܘܼܬܵܐ ܕܫܝܵܦܬܵܐ ܕܓܸܢܣܵܝܘܼܬܵܐ ܕܚܲܝܘܬܵܐ ܫܲܝܢܵܝܬܵܐ ܕܕܝܼܵܘܟܼܘܿܢ
- ܡܸܢܝܵܢܵܐ ܕܨܸܠܚܵܐ ܐܸܠܸܟܬܪܘܿܢܵܝܵܐ ܕܚܲܝܘܬܵܐ ܫܲܝܢܵܝܬܵܐ ܕܕܝܼܵܘܟܼܘܿܢ.
ܣܲܓܼܲܠܬܵܐ ܕܚܲܝܘܵܬܹ̈ܐ ܓܵܪܲܓ ܦܵܝܫܵܐ ܦܪܝܼܥܬܵܐ ܟܠ ܚܕܵܐ ܫܲܢ݉ܬܵܐ ܒܣܝܼܩܘܿܡܵܐ ܕ 10 ܢܝܼܣܵܢ. ܐܲܚܢܲܢ ܒܸܕ ܫܲܕܪܲܚ ܠܵܘܟܼܘܿܢ ܚܕܵܐ ܐܸܓܵܪܬܵܐ ܟܠ ܫܲܢ݉ܬܵܐ ܩܵܐ ܕܡܲܝܕܸܥܲܚ ܠܵܘܟܼܘܿܢ ܐܝܼܡܲܢ ܝܼܠܵܗܿ ܥܸܕܵܢܵܐ ܕܦܪܵܥܬܵܐ ܕܙܘܼܙܹ̈ܐ ܕܚܲܕܲܕܬܵܐ.
ܩܵܐ ܕܣܲܓܼܸܠܝܼܬܘܿܢ ܠܟܲܠܒܵܐ ܝܲܢ ܩܵܛܘܼ ܕܕܝܼܵܘܟܼܘܿܢ، ܒܵܣܡܵܐ ܠܵܘܟܼܘܿܢ ܡܲܚܒܸܪܘܼܢ ܠܲܢ.
ܫܲܒܼܖܹ̈ܐ
ܐܲܚܢܲܢ ܟܹܐ ܡܲܩܪܸܒܼܲܚ ܚܲܕ ܚܘܼܪܙܵܐ ܕܥܝܼܪܘܼܬܵܐ ܩܵܐ ܣܢܵܕܬܵܐ ܕܒܲܝܬܘܼܝܵܬܹ̈ܐ ܡܼܢ ܟܢܘܼܫܝܵܬܹ̈ܐ ܣܲܓܝܼ ܡܲܪ̈ܕܘܼܝܵܬܹܐ ܩܵܐ ܕ:
- ܣܲܓܼܸܠܝܼ ܘܫܵܘܬܸܦܝܼ ܓܵܘ ܚܲܕ ܚܘܼܪܙܵܐ ܕܓܲܢܬܵܐ ܕܫܲܒܼܪܹ̈ܐ.
- ܡܵܨܝܼ ܡܵܛܝܼ ܠܟܠ ܚܕܵܐ ܡܼܢ ܚܸܠܡܲܬܹ̈ܐ ܕܫܸܢܹ̈ܐ ܒܟܼܝܼܪܹ̈ܐ ܒܸܚܒܼܵܫܵܐ ܚܘܼܠܡܵܢܵܐ ܕܐܸܡܗܵܝܘܼܬܵܐ ܘܕܫܲܒܼܪܵܐ، ܡܚܲܣܢܵܢܘܼܬܵܐ ܘܝܲܗܠܹ̈ܐ ܕܛܲܐܲܠܬܵܐ.
- ܫܲܢܝܼ ܡܼܢ ܓܲܢܬܵܐ ܕܫܲܒܼܪܹ̈ܐ ܠܡܲܕܪܲܫܬܵܐ ܫܲܪܘܵܝܬܵܐ.
ܩܵܐ ܕܝܵܠܦܝܼܬܘܿܢ ܒܘܼܫ ܙܵܘܕܵܐ ܒܘܼܕ ܚܘܼܪܙܲܢ، ܐܸܢ ܒܵܣܡܵܐ ܠܵܘܟܼܘܿܢ ܩܪܹܝܡܘܼܢ ܩܵܐ ܝܲܗܠܲܢ ܕܣܢܵܕܬܵܐ ܕܥܝܼܪܘܼܬܵܐ ܕ CALD (ܐܝܼܬ ܬܲܪ̈ܓܡܵܢܹܐ):
ܐܵܡܵܠ 0477 177 537 (ܗܲܡܙܸܡܵܢܬܵܐ ܒܠܸܫܵܢܵܐ ܥܲܪܵܒܵܝܵܐ)
ܦܵܐܬ 0477 339 996
ܚܘܼܠܡܵܢܵܐ ܕܐܸܡܗܵܝܘܼܬܵܐ ܘܕܫܲܒܼܪܵܐ
ܐܲܚܢܲܢ ܟܹܐ ܡܙܲܘܸܕܲܚ ܚܲܕ ܡܸܢܝܵܢܵܐ ܡܲܓܵܢܵܝܵܐ ܕܚܸܠܡܲܬܹ̈ܐ ܕܚܘܼܠܡܵܢܵܐ ܕܐܸܡܗܵܝܘܼܬܵܐ ܘܕܫܲܒܼܪܵܐ (MCH) ܩܵܐ ܟܢܘܼܫܬܲܢ. ܝܲܗܠܲܢ ܟܲܫܝܼܪܵܐ ܕܝܲܨܘܿܦܹ̈ܐ ܕܚܘܼܠܡܵܢܵܐ ܕܐܸܡܗܵܝܘܼܬܵܐ ܘܕܫܲܒܼܪܵܐ، ܡܵܘܠܕܵܢܝܵܬܹ̈ܐ ܘܡܲܠܦܵܢܹ̈ܐ ܕܐܲܒܼܵܗܹ̈ܐ ܟܹܐ ܡܙܲܘܸܕܝܼ ܡܵܘܕܥܵܢܘܼܬܵܐ ܘܢܲܨܝܼܗܲܬ ܒܘܼܕ ܝܲܨܝܼܦܘܼܬܵܐ ܘܚܘܼܠܡܵܢܵܐ ܕܫܲܒܼܪܵܐ. ܐܲܝܵܐ ܚܸܠܡܲܬ ܝܼܠܵܗܿ ܩܵܐ ܫܲܒܼܪܹ̈ܐ ܡܼܢ ܡܵܘܠܵܕܵܐ ܗܲܠ ܥܘܼܡܪܵܐ ܕܡܲܕܪܲܫܬܵܐ.
ܚܘܼܪܙܵܐ ܕܡܚܲܣܢܵܢܘܼܬܵܐ
ܐܸܢ ܐܲܚܬܘܿܢ ܝܲܢ ܒܲܝܬܘܼܬܵܘܟܼܘܿܢ ܝܼܬܘܿܢ ܚܲܕܬܹ̈ܐ ܠܐܲܬܪܵܐ، ܡܼܢ ܩܵܕ݉ܡ ܕܫܲܪܝܼܬܘܿܢ ܓܵܘ ܡܲܕܪܲܫܬܵܐ ܝܲܢ ܝܲܨܝܼܦܘܼܬܵܐ ܓܵܘ ܐܘܿܣܬܪܵܠܝܵܐ، ܒܲܠܟܵܐ ܣܵܢܩܝܼܬܘܿܢ ܕܦܵܝܫܝܼܬܘܿܢ ܛܘܼܥܸܡܹܐ. ܡܚܲܣܢܵܢܘܼܬܵܐ ܝܼܠܵܗܿ ܚܕܵܐ ܐܘܼܪܚܵܐ ܕܚܲܡܲܝܬܵܐ ܕܓܵܢܵܘܟܼܘܿܢ، ܒܲܝܬܘܼܬܵܘܟܼܘܿܢ ܘܟܢܘܼܫܬܵܘܟܼܘܿܢ ܣܲܠܵܡܲܬ ܡܼܢ ܫܘܼܠܗܵܒܼܹ̈ܐ ܚܲܙܕܸܓܵܢܹ̈ܐ.
ܚܘܼܪܙܵܐ ܕܡܚܲܣܢܵܢܘܼܬܵܐ ܕܕܝܼܲܢ ܦܝܼܫܵܐ ܝܠܹܗ ܡܘܼܩܪܸܒܼܵܐ ܒܝܲܕ ܝܲܨܘܿܦܝܵܬܹ̈ܐ ܡܣܘܼܓܼܸܠܹ̈ܐ. ܝܬܵܒܼܝܵܬܹ̈ܐ ܕܡܚܲܣܢܵܢܘܼܬܵܐ ܟܹܐ ܦܵܝܫܝܼ ܥܒܼܝܼܕܹܐ ܥܝܵܕܵܐܝܼܬ ܓܵܘ ܕܘܼܟܵܢܹ̈ܐ ܓܵܘ Hume. ܫܩܘܿܠܘܼܢ ܚܲܕ ܡܵܘܥܕܵܐ ܕܝܬܵܒܼܬܵܐ ܕܡܚܲܣܢܵܢܘܼܬܵܐ ܡܼܢ ܥܲܠ ܐܸܢܬܸܪܢܸܬ ܒܠܸܫܵܢܵܐ ܐܸܢܓܠܸܣܢܵܝܵܐ ܝܲܢ ܡܲܚܒܸܪܘܼܢ ܩܵܐ ܝܲܗܠܲܢ ܕܡܚܲܣܢܵܢܘܼܬܵܐ ܥܲܠ ܡܸܢܝܵܢܵܐ 9356 6745. ܐܝܼܬ ܬܲܪܓܡܵܢܹ̈ܐ.
ܐܸܢ ܫܲܒܼܪܵܘܟܼܘܿܢ ܫܩܝܼܠܵܐ ܝܠܹܗ ܛܘܼܥܵܡܹ̈ܐ ܠܒܼܲܕܲܪ ܡܼܢ ܐܲܬܪܵܐ ܡܵܨܝܼܬܘܿܢ ܛܵܠܒܝܼܬܘܿܢ ܥܒܼܵܕܬܵܐ ܕܚܕܵܐ ܬܢܵܝܬܵܐ ܥܲܠ ܬܲܫܥܝܼܬܵܐ ܕܡܚܲܣܢܵܢܘܼܬܲܝܗܝ ܩܵܐ ܐܲܟܲܕܬܵܐ ܕܗܿܝ ܡܚܲܣܢܵܢܘܼܬܵܐ ܒܸܠܚܵܡܵܐ ܝܠܵܗܿ ܥܲܡ ܡܲܛܠܵܒܹ̈ܐ ܐܘܿܣܬܪ̈ܵܠܝܵܝܹܐ.
ܛܘܼܥܵܡܹ̈ܐ ܕܡܲܟܡܲܠܬܵܐ ܡܲܓܵܢܵܝܹ̈ܐ ܝܼܢܵܐ ܡܸܬܩܵܢܝܵܢܹ̈ܐ ܩܵܐ ܐ݉ܢܵܫܹ̈ܐ ܕܝܼܢܵܐ ܒܥܘܼܡܪܵܐ ܕܬܚܘܿܬ 20 ܫܸܢܹ̈ܐ، ܝܲܢ ܝܼܢܵܐ ܓܵܘܣܵܢܹ̈ܐ ܘܐ݉ܢܵܫܹ̈ܐ ܛܵܠܒܵܢܹ̈ܐ ܕܓܵܘܣܵܐ. ܐܸܢ ܫܲܒܼܪܵܘܟܼܘܿܢ ܥܒܼܝܼܪܬܵܐ ܝܠܵܗܿ ܥܸܕܵܢܵܐ ܕܫܩܲܠܬܵܐ ܕܛܘܼܥܵܡܹ̈ܐ ܝܲܢ ܐܲܚܬܘܿܢ ܠܵܐ ܝܬܘܿܢ ܐܲܟܝܼܕܹ̈ܐ ܠܡܘܿܕܝܼ ܛܘܼܥܵܡܹ̈ܐ ܣܢܝܼܩܵܐ ܝܠܹܗ، ܐܸܢ ܒܵܣܡܵܐ ܠܵܘܟܼܘܿܢ ܡܲܚܒܸܪܘܼܢ ܠܲܢ ܥܲܠ ܡܸܢܝܵܢܵܐ 9356 6745.
ܝܲܨܝܼܦܘܼܬܵܐ ܝܵܘܡܵܝܬܵܐ ܝܲܪܝܼܟܼܬܵܐ (ܝܲܨܝܼܦܘܼܬܵܐ ܕܫܲܒܼܪܵܐ)
ܚܘܼܪܙܵܐ ܕܕܝܼܲܢ ܕܝܲܨܝܼܦܘܼܬܵܐ ܝܵܘܡܵܝܬܵܐ ܝܲܪܝܼܟܼܬܵܐ (ܐܵܦ ܝܕܝܼܥܵܐ ܐܲܝܟܼ ܝܲܨܝܼܦܘܼܬܵܐ ܕܫܲܒܼܪܵܐ) ܟܹܐ ܡܙܲܘܸܕ ܝܘܼܠܦܵܢܵܐ ܘܝܲܨܝܼܦܘܼܬܵܐ ܩܵܐ ܫܲܒܼܖܹ̈ܐ ܕܝܼܢܵܐ ܒܥܘܼܡܪܵܐ ܕܨܸܦܲܪ ܗܲܠ ܐܸܫܬܵܐ ܫܸܢܹ̈ܐ.
ܐܲܚܢܲܢ ܟܹܐ ܡܲܪܚܸܛܲܚ ܐܲܪܒܥܵܐ ܚܸܠܡܲܬܹ̈ܐ ܕܝܲܨܝܼܦܘܼܬܵܐ ܝܵܘܡܵܝܬܵܐ ܝܲܪܝܼܟܼܬܵܐ:
- ܚܸܠܡܲܬ ܕܫܲܒܼܪܘܼܬܵܐ ܒܟܼܝܼܪܬܵܐ ܕ Craigieburn
- ܩܸܢܛܪܘܿܢܵܐ ܕܗܘܿܡܣܬܸܕ ܕܫܲܒܼܪܵܐ ܘܕܒܲܝܬܘܼܬܵܐ
- ܩܸܢܛܪܘܿܢܵܐ ܕܣܲܢܸܢܓܕܲܝܠ ܐܵܒܼܸܢܝܘܼ ܕܫܲܒܼܖܹ̈ܐ
- ܩܸܢܛܪܘܿܢ ܕܘܸܣܬܡܝܼܪ ܕܚܸܠܡܲܬܹ̈ܐ ܕܫܲܒܼܪܹ̈ܐ
ܐܲܚܬܘܿܢ ܡܵܨܝܼܬܘܿܢ ܡܲܫܟܼܚܝܼܬܘܿܢ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ ܝܲܢ ܫܲܪܸܟܘܼܢ ܥܲܡ ܣܸܕܪܵܐ ܕܣܒܵܪܬܵܐ ܩܵܐ ܣܲܓܼܘܼܠܹܐ ܫܲܒܼܪܵܘܟܼܘܿܢ ܓܵܘ ܩܸܢܛܪܘܿܢ ܕܡܲܚܘܼܒܹܐ ܝܬܘܿܢ ܥܲܠ ܕܐܵܗܵܐ ܦܵܬܵܐ ܐܸܠܸܟܬܪܘܿܢܵܝܬܵܐ.
ܓܲܢܬܵܐ ܕܫܲܒܼܖܹ̈ܐ
ܓܲܢܬܵܐ ܕܫܲܒܼܪܹ̈ܐ ܦܝܼܫܬܵܐ ܝܠܵܗܿ ܡܘܼܪܚܸܛܬܵܐ ܒܝܲܕ ܡܲܠܦܵܢܹ̈ܐ ܕܐܝܼܬܠܗܘܿܢ ܣܵܗܕܘܼܬܵܐ ܪܘܼܫܡܵܝܬܵܐ ܘܟܹܐ ܣܵܢܕܵܐ ܠܚܘܼܪ̈ܙܹܐ ܒܸܢܝܹ̈ܐ ܥܲܠ ܝܠܵܦܬܵܐ ܒܐܘܼܪܚܵܐ ܕܛܲܐܲܠܬܵܐ. ܫܲܒܼܪܹ̈ܐ ܦܝܼܫܹܐ ܝܢܵܐ ܚܘܼܦܛܹܐ ܕܫܲܪܝܼ ܓܲܢܬܵܐ ܕܫܲܒܼܖܹ̈ܐ ܐܝܼܡܲܢ ܕܝܼܢܵܐ ܒܥܘܼܡܪܵܐ ܕ 3 ܫܸܢܹ̈ܐ.
ܐܲܚܬܘܿܢ ܡܵܨܝܼܬܘܿܢ ܣܲܓܼܸܠܝܼܬܘܿܢ ܠܹܗ ܫܲܒܼܪܵܘܟܼܘܿܢ ܩܵܐ ܓܲܢܬܵܐ ܕܫܲܒܼܖܹ̈ܐ ܥܲܠ ܕܐܵܗܵܐ ܫܵܘܦܵܐ ܐܸܠܸܟܬܪܘܿܢܵܝܵܐ ܒܠܸܫܵܢܵܐ ܐܸܢܓܠܸܣܢܵܝܵܐ. ܣܲܚܒܸܪܘܼܢ ܠܲܢ ܓܵܘ ܟܠ ܚܕܵܐ ܡܼܢ ܝܬܵܒܼܝܵܬܹ̈ܐ(PDF, 499KB) ܕܕܝܼܲܢ ܐܸܢ ܣܵܢܩܝܼܬܘܿܢ ܠܣܢܵܕܬܵܐ ܒܡܠܵܝܬܵܐ ܕܦܸܬܩܵܘܟܼܘܿܢ ܕܣܲܓܼܲܠܬܵܐ ܩܵܐ ܓܲܢܬܵܐ ܕܫܲܒܼܖܹ̈ܐ، ܠܚܲܕܲܕܬܵܐ ܕܡܲܚܲܒܝܵܬܵܘܟܼ̈ܘܿܢ، ܝܲܢ ܐܸܢ ܒܵܥܝܼܬܘܿܢ ܕܝܵܕܥܝܼܬܘܿܢ ܒܘܼܫ ܙܵܘܕܵܐ ܒܘܼܕ ܚܘܼܪܙܵܐ ܕܓܲܢܬܵܐ ܕܫܲܒܼܖܹ̈ܐ. ܐܝܼܬ ܬܲܪܓܡܵܢܹ̈ܐ.
ܕܲܣܬܹ̈ܐ ܕܛܲܐܲܠܬܵܐ
ܚܕܵܐ ܕܲܣܬܵܐ ܕܛܲܐܲܠܬܵܐ ܝܼܠܵܗܿ ܚܕܵܐ ܕܲܣܬܵܐ ܕܐܲܒܼܵܗܹ̈ܐ ܝܲܢ ܕܡܲܩܖܸ̈ܒ݂ܵܢܹ̈ܐ ܕܝܲܨܝܼܦܘܼܬܵܐ ܐܵܢܝܼ ܕܓ̰ܵܡܥܝܼ ܠܚܕܵܕܹܐ ܥܲܡ ܫܲܒܼܪ̈ܲܝܗܝ ܙܥܘܿܖܹ̈ܐ ܩܵܐ ܛܲܐܲܠܬܵܐ ܘܝܵܗܒܼܵܠܬܵܐ ܘܫܩܲܠܬܵܐ ܫܵܘܬܵܦܵܝܬܵܐ. ܕܲܣܬܹ̈ܐ ܕܛܲܐܲܠܬܵܐ ܝܼܢܵܐ ܚܕܵܐ ܕܘܼܟܬܵܐ ܩܵܐ ܒܲܝܬܘܼܝܵܬܹ̈ܐ ܕܡܲܫܟܼܚܝܼ ܚܕܵܐ ܪܓܼܵܫܬܵܐ ܕܬܒܵܥܬܵܐ ܠܟܢܘܼܫܬܵܐ، ܥܵܒܼܕܝܼ ܚܲܒܼܪ̈ܵܘܘܼܝܵܬܹܐ ܘܫܲܪܸܟܝܼ ܠܬܲܚܡܲܢܝܵܬܹ̈ܐ ܘܠܡܵܘܕܥܵܢܘܼܬܵܐ.
ܡܲܫܟܼܚܘܼܢ ܚܕܵܐ ܕܲܣܬܵܐ ܕܛܲܐܲܠܬܵܐ ܕܠܵܚܡܵܐ ܠܵܘܟܼܘܿܢ ܘܠܵܚܡܵܐ ܥܲܡ ܫܲܒܼܪܵܘܟܼܘܿܢ ܡܼܢ ܥܲܠ ܫܵܘܦܲܢ ܐܸܠܸܟܬܪܘܿܢܵܝܵܐ ܝܲܢ ܩܪܹܝܡܘܼܢ ܠܲܢ ܩܵܐ ܛܠܵܒܬܵܐ ܕܗܲܝܲܪܬܵܐ.
ܥܒ݂ܝܼܖܹ̈ܐ ܒܫܸܢܹ̈ܐ
ܐܲܚܢܲܢ ܟܹܐ ܡܲܩܪܸܒܼܲܚ ܚܸܠܡܲܬܹ̈ܐ ܕܣܢܵܕܬܵܐ ܩܵܐ ܗܲܝܲܪܬܵܐ ܕܥܒ݂ܝܼܖܹ̈ܐ ܒܫܸܢܹ̈ܐ ܕܦܵܝܫܝܼ ܥܵܒܼܘܿܕܹ̈ܐ ܓܵܘ ܟܢܘܼܫܬܵܐ.
ܚܘܼܪܙܵܐ ܕܥܒܼܵܪܬܵܐ ܒܫܸܢܹ̈ܐ ܥܵܒܼܘܿܕܬܵܐ ܕܕܝܼܲܢ ܟܹܐ ܣܵܢܹܕ ܠܟܢܘܼܫܬܲܢ ܕܦܵܝܫܵܐ ܚܘܼܠܡܵܢܵܝܬܵܐ ܘܥܵܒܼܘܿܕܬܵܐ ܦܲܓܼܪܵܢܵܐܝܼܬ ܒܚܕܵܐ ܐܘܼܪܚܵܐ ܡܲܚܡܸܠܵܢܬܵܐ ܘܚܘܼܒܵܢܬܵܐ.
ܬܵܡܵܐ ܐܝܼܬ ܪܵܒܵܐ ܦܘܼܪ̈ܣܹܐ ܩܵܐ ܐ݉ܢܵܫܹ̈ܐ ܒܘܼܫ ܓܘܼܒܼܖܹ̈ܐ ܒܫܸܢܹ̈ܐ ܕܫܲܪܸܟܝܼ ܓܵܘ ܟܢܘܼܫܬܵܐ ܒܐܘܼܪܚܵܐ ܕ ܩܸܢܛܪ̈ܘܿܢܹܐ ܕܪ̈ܵܥܝܲܬܹܐ ܡܩܲܕܡܹ̈ܐ ܒܫܸܢܹ̈ܐ ܕܕܝܼܲܢ.
ܐܲܚܢܲܢ ܐܵܦ ܟܹܐ ܡܙܲܘܸܕܲܚ ܣܢܵܕܬܵܐ ܐܸܣܵܝܬܵܐ ܩܵܐ ܦܲܪ̈ܨܘܿܦܹܐ ܘܩܵܐ ܝܲܨܘܿܦܹ̈ܐ ܕܕܝܲܝܗܝ ܩܵܐ ܕܗܲܝܸܪܲܚ ܠܗܘܿܢ ܕܦܵܝܫܝܼ ܫܲܪ̈ܝܹܐ ܘܫܲܝܢܵܝܹ̈ܐ (ܣܲܠܵܡܲܬ) ܓܵܘ ܒܲܝܬܵܐ. ܐܲܝܵܐ ܣܢܵܕܬܵܐ ܟܹܐ ܚܵܒܼܫܵܐ ܬܲܡܲܙܬܵܐ، ܡܲܡܛܵܝܬܵܐ ܕܡܹܐܟܼܘܼܠܬܵܐ، ܬܘܼܪܵܨܵܐ ܕܡܘܼܠܟܵܢܵܐ، ܗܲܝܲܪܬܵܐ ܒܚܝܵܦܬܵܐ ܘܢܨܵܒܼܬܵܐ ܕܕܲܪ̈ܵܒܹܐ ܕܣܢܵܕܬܵܐ ܘܡܲܥܒܥܖܹ̈ܐ ܕܐ݉ܣܠܵܩܬܵܐ ܘܨܠܵܝܬܵܐ ܩܵܐ ܕܥܵܒܼܕܲܚ ܠܹܗ ܒܲܝܬܵܘܟܼܘܿܢ ܒܘܼܫ ܫܲܝܢܵܝܵܐ (ܣܲܠܵܡܲܬ).
ܐܵܦ ܝܲܨܝܼܦܘܼܬܵܐ ܙܲܒܼܢܵܢܵܝܬܵܐ ܝܼܠܵܗܿ ܡܸܬܩܵܢܝܵܢܬܵܐ ܠܗܲܝܘܼܪܹܐ ܒܝܗܵܒܼܬܵܐ ܕܝܵܨܘܿܦܹ̈ܐ ܥܸܕܵܢܵܐ ܕܥܵܒܼܕܝܼ ܥܵܒܼܘܿܕܘܵܬܹ̈ܐ ܝܵܘܡܵܝܹ̈ܐ، ܡܲܣܸܡܝܼ ܒܵܠܵܐ ܠܓܵܢܲܝܗܝ ܘܬܲܡܸܡܝܼ ܠܣܢܝܼܩܘܼܝܵܬܲܝ̈ܗܝ.
ܠܡܛܵܝܵܐ ܠܐܲܢܹܐ ܚܸܠܡܲܬܹ̈ܐ ܐܲܚܬܘܿܢ ܣܢܝܼܩܹ̈ܐ ܝܬܘܿܢ ܕܗܵܘܝܼܬܘܿܢ ܡܫܘܼܪܸܖܹ̈ܐ ܘܡܩܘܼܝܡܸܢܹܐ ܕܚܫܝܼܚܹ̈ܐ ܝܬܘܿܢ ܩܵܐ ܚܘܼܪܙܵܐ ܕܟܘܿܡܘܿܢܘܸܠܬܼ ܕܣܢܵܕܬܵܐ ܒܲܝܬܵܝܬܵܐ.
ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ، ܐܸܢ ܒܵܣܡܵܐ ܠܵܘܟܼܘܿܢ ܩܪܹܝܡܘܼܢ ܠܲܢ.
ܣܢܵܕܬܵܐ ܕܫܲܦܠܘܼܬܵܐ (ܡܥܵܘܟ݂ܘܼܬܵܐ)
ܐܲܚܢܲܢ ܟܹܐ ܡܙܲܘܸܕܲܚ ܚܸܠܡܲܬܹ̈ܐ ܕܡܨܵܝܬܵܐ ܕܡܛܵܝܬܵܐ ܩܵܐ ܥܵܡܪ̈ܵܢܹܐ ܕܒܸܚܵܝܵܐ ܝܢܵܐ ܥܲܡ ܫܲܦܠܘܼܬܵܐ ܘܩܵܐ ܝܵܨܘܿܦܲܝ̈ܗܝ. ܐܲܝܵܐ ܚܸܠܡܲܬ ܟܹܐ ܚܵܒܼܫܵܐ ܣܢܵܕܬܵܐ ܩܵܐ ܗܲܝܲܪܬܵܐ ܕܐ݉ܢܵܫܹ̈ܐ ܕܦܵܝܫܝܼ ܫܲܪ̈ܝܹܐ ܘܫܲܝܢܵܝܹ̈ܐ (ܣܲܠܵܡܲܬ) ܓܵܘ ܒܲܝܬܵܐ، ܐܲܝܟܼ ܬܲܡܲܙܬܵܐ، ܡܲܡܛܵܝܬܵܐ ܕܡܹܐܟܼܘܼܠܬܵܐ، ܬܘܼܪܵܨܵܐ ܕܡܘܼܠܟܵܢܵܐ، ܗܲܝܲܪܬܵܐ ܒܚܝܵܦܬܵܐ ܘܢܨܵܒܼܬܵܐ ܕܕܲܪ̈ܵܒܹܐ ܕܣܢܵܕܬܵܐ ܘܡܲܥܒܪܹ̈ܐ ܕܐ݉ܣܠܵܩܬܵܐ ܘܨܠܵܝܬܵܐ ܩܵܐ ܕܥܵܒܼܕܲܚ ܠܹܗ ܒܲܝܬܵܘܟܼܘܿܢ ܒܘܼܫ ܫܲܝܢܵܝܵܐ (ܣܲܠܵܡܲܬ).
ܐܵܦ ܝܲܨܝܼܦܘܼܬܵܐ ܙܲܒܼܢܵܢܵܝܬܵܐ ܝܼܠܵܗܿ ܡܸܬܩܵܢܝܵܢܬܵܐ ܠܗܲܝܘܼܪܹܐ ܒܝܗܵܒܼܬܵܐ ܕܝܵܨܘܿܦܹ̈ܐܥܸܕܵܢܵܐ ܕܥܵܒܼܕܝܼ ܥܵܒܼܘܿܕܘܵܬܹ̈ܐ ܝܵܘܡܵܝܹ̈ܐ، ܡܲܣܸܡܝܼ ܒܵܠܵܐ ܠܓܵܢܲܝܗܝ ܘܬܲܡܸܡܝܼ ܠܣܢܝܼܩܘܼܝܵܬܲܝ̈ܗܝ.
ܚܕܵܐ ܡܛܲܝܡܲܢܬܵܐ ܟܹܐ ܦܵܝܫܵܐ ܥܒܼܝܼܕܬܵܐ ܡܼܢ ܩܵܕ݉ܡ ܕܦܵܝܫܵܐ ܡܙܘܼܘܸܕܬܵܐ ܚܸܠܡܲܬ. ܩܪܹܝܡܘܼܢ ܠܲܢ ܥܲܠ ܡܸܢܝܵܢܵܐ 9205 2883 ܠܕܪܵܫܵܐ ܡܘܿܕܝ݉ ܗܲܝܲܪܬܵܐ ܒܲܠܟܵܐ ܗܵܘܝܵܐ ܡܸܬܩܵܢܝܵܢܬܵܐ ܩܵܐܠܵܘܟܼܘܿܢ.
ܦܣܵܣܹ̈ܐ ܕܡܲܟܠܝܵܐ ܕܪܵܕܝܼܬܵܐ
ܐܸܢ ܐܲܚܬܘܿܢ ܐܝܼܬܠܵܘܟܼܘܿܢ ܚܕܵܐ ܫܲܦܠܘܼܬܵܐ ܓܘܼܒܼܪܬܵܐ ܝܲܢ ܕܲܪܒܵܐ، ܒܲܠܟܵܐ ܐܲܚܬܘܿܢ ܗܵܘܝܼܬܘܿܢ ܚܫܝܼܚܹ̈ܐ ܩܵܐ ܚܲܕ݉ ܦܣܵܣܵܐ ܕܡܲܟܠܝܵܐ ܕܪܵܕܝܼܬܵܐ ܩܵܐ ܐܵܢܝܼ ܕܐܝܼܬܠܗܘܿܢ ܫܲܦܠܘܼܬܵܐ. ܬܵܡܵܐ ܐܝܼܬ ܬܲܗܵܖܹ̈ܐ ܦܪ̈ܝܼܫܹܐ ܕܦܣܵܣܹ̈ܐ ܐܲܝܢܝܼ ܕܫܵܒܼܩܝܼ ܠܵܘܟܼܘܿܢ ܕܡܲܟܠܝܼܬܘܿܢ ܠܵܗܿ ܪܵܕܝܼܬܵܘܟܼܘܿܢ ܓܵܘ ܟܸܢܦܹ̈ܐ ܕܡܲܟܠܝܵܐ ܕܪܵܕܝܼܬܵܐ ܩܵܐ ܐܵܢܝܼ ܕܐܝܼܬܠܗܘܿܢ ܫܲܦܠܘܼܬܵܐ ܘ \ ܝܲܢ ܕܡܲܟܠܝܼܬܘܿܢ ܠܵܗܿ ܪܵܕܝܼܬܵܘܟܼܘܿܢ ܓܵܘ ܟܸܢܦܹ̈ܐ ܥܝܵܕܵܝܹ̈ܐ ܩܵܐ ܡܸܬܚܵܐ ܕܬܪܹܝܢ ܬܵܩܹ̈ܐ ܕܥܸܕܵܢܵܐ ܥܝܵܕܵܝܬܵܐ. ܦܣܵܣܹ̈ܐ ܕܡܲܟܠܝܵܐ ܕܪܵܕܝܼܬܵܐ ܩܵܐ ܐܵܢܝܼ ܕܐܝܼܬܠܗܘܿܢ ܫܲܦܠܘܼܬܵܐ ܒܲܠܟܵܐ ܗܵܘܝܼ ܝܗܝܼܒܼܹܐ ܩܵܐ ܚܲܕ݉ ܛܵܪܝܵܢܵܐ ܝܲܢ ܚܲܕ ܪܲܟܵܒܼܵܐ ܝܲܢ ܩܵܐ ܬܸܪܘܲܝܗܝ.
ܐܲܚܬܘܿܢ ܡܵܨܝܼܬܘܿܢ ܩܲܕܸܡܝܼܬܘܿܢ ܡܼܢ ܥܲܠ ܫܵܘܦܲܢ ܐܸܠܸܟܬܪܘܿܢܵܝܵܐ ܕܡܲܟܠܝܹ̈ܐ ܕܪܵܕܝܼܬܵܐ ܝܗܝܼܒܼܹܐ ܩܵܐ ܐܵܢܝܼ ܕܐܝܼܬܠܗܘܿܢ ܫܲܦܠܘܼܬܵܐ ܒܠܸܫܵܢܵܐ ܐܸܢܓܠܸܣܢܵܝܵܐ ܝܲܢ ܡܲܚܒܸܪܝܼܬܘܿܢ ܠܲܢ ܩܵܐ ܗܲܝܲܪܬܵܐ.
ܒܘܼܣܵܡܵܐ
ܐܲܚܢܲܢ ܟܹܐ ܡܲܪܚܸܛܲܚ ܬܠܵܬܵܐ ܩܸܢܛܪ̈ܘܿܢܹܐ ܕܒܘܼܣܵܡܵܐ ܓܵܘ Broadmeadows، Craigieburn، ܘ Sunbury. ܫܲܪܸܟܘܼܢ ܓܵܘ ܚܲܕ ܩܸܢܛܪܘܿܢ ܕܒܘܼܣܵܡܵܐ ܩܵܐ ܕܡܵܨܝܼܬܘܿܢ ܡܵܛܝܼܬܘܿܢ ܠܒܵܬܲܝ̈ ܣܚܵܝܵܐ، ܠܣܸܕܪܹ̈ܐ ܕܕܵܣܬܹ̈ܿܐ ܕܠܚܝܼܡܘܼܬܵܐ ܘܠܒܵܬܲܝ̈ ܢܘܼܦܵܩܹ̈ܐ (ܓ̰ܝܼܡ).
ܐܲܚܬܘܿܢ ܡܵܨܝܼܬܘܿܢ ܛܲܐܠܝܼܬܘܿܢ ܓܘܼܕܬܵܐ ܕܣܲܠܬܵܐ، ܓܘܼܕܬܵܐ ܕܫܲܒܼܟܵܐ، ܓܘܼܕܬܵܐ ܕܐܲܩܠܵܐ ܝܲܢ ܬܸܢܸܣ ܓܵܘ ܟܠ ܚܲܕ ܡܼܢ ܕܘܼܟܵܢܹ̈ܐ ܕܪܲܗܲܬܘܼܬܵܐ ܡܲܓܲܢܵܝܹ̈ܐ ܦܬܘܿܚܹ̈ܐ ܕܕܝܼܲܢ.
ܐܲܚܢܲܢ ܐܵܦ ܟܹܐ ܡܙܲܘܸܕܲܚ ܪܵܒܵܐ ܫܸܛܚܹ̈ܐ ܢܛܝܼܖܹ̈ܐ ܕܐܲܬܠܹܝܛܘܼܬܵܐ ܘܕܘܼܟܵܢܹ̈ܐ ܕܪܲܗܲܬܘܼܬܵܐ ܓܵܘ ܟܠܵܗܿ Hume ܩܵܐ ܒܵܬܲܝ̈ ܣܡܵܟܼܹ̈ܐ ܐܲܬܠܹܝܛܵܝܹ̈ܐ ܡܲܗܲܠܵܝܹ̈ܐ ܩܵܐ ܡܲܦܠܲܚܬܵܐ. ܗܲܕܵܡܹ̈ܐ ܚܲܕܬܹ̈ܐ ܟܹܐ ܩܲܒܠܲܚ ܠܗܘܿܢ ܒܫܲܝܢܵܐ.
ܦܣܵܣܹ̈ܐ ܕܚܲܛܲܛܬܵܐ ܘܒܢܵܝܬܵܐ
ܐܸܢ ܐܲܚܬܘܿܢ ܒܵܥܝܼܬܘܿܢ ܕܦܲܠܸܓܼܝܼܬܘܿܢ ܠܡܘܼܠܟܵܢܵܘܟܼܘܿܢ، ܒܵܢܝܼܬܘܿܢ، ܡܲܪܘܸܚܝܼܬܘܿܢ ܝܲܢ ܬܵܠܚܝܼܬܘܿܢ ܚܲܕ݉ ܒܸܢܝܵܢܵܐ ܒܲܠܟܵܐ ܕܣܵܢܩܝܼܬܘܿܢ ܠܚܲܕ݉ ܦܣܵܣܵܐ ܕܚܲܛܲܛܬܵܐ ܝܲܢ ܒܢܵܝܬܵܐ.
ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ، ܝܲܢ ܩܵܐ ܗܲܝܲܪܬܵܐ ܒܩܲܕܲܡܬܵܐ ܐܸܢ ܒܵܣܡܵܐ ܠܵܘܟܼܘܿܢܡܲܚܒܸܪܘܼܢ ܠܲܢ.
ܫܲܝܢܘܼܬܵܐ
ܡܵܘܬܒܼܵܐ ܟܹܐ ܛܲܐܸܠ ܚܲܕ ܕܵܘܪܵܐ ܪܵܒܵܐ ܐܵܢܲܢܩܵܝܵܐ ܓܵܘ ܡܲܪ̈ܝܲܙܝܵܬܹܐ ܕܡܕܲܒܪܵܢܘܼܬܵܐ ܕܐܵܗܘܵܠܵܬܹ̈ܐ ܕܥܪܝܼܨܘܼܬܵܐ ܕܐܘܼܚܕܵܢܵܐ ܕܒܼܝܼܟܬܘܿܪܝܵܐ. ܐܲܚܢܲܢ ܟܹܐ ܬܲܚܸܡܲܚ ܘܡܲܒܨܸܪܲܚ ܠܩܸܢܛܵܐ ܕܐܵܗܘܵܠܵܬܹ̈ܐ ܕܥܪܝܼܨܘܼܬܵܐ ܟܝܵܢܵܝܹ̈ܐ ܘܦܵܠܚܲܚ ܥܲܡ ܟܢܘܼܫܬܲܢ ܩܵܐ ܗܲܕܲܪܬܵܐ ܩܵܐ ܡܸܢܕܝܼܵܢܹ̈ܐ ܐܲܝܟܼ ܠܒܼܵܚܝܵܬܹ̈ܐ ܕܢܘܼܪܵܐ، ܠܲܦܹ̈ܐ ܕܫܚܘܼܢܬܵܐ، ܡܲܪ̈ܥܹܐ ܛܵܦܝܵܢܹ̈ܐ ܬܹܒܼܹܝܠܵܝܹ̈ܐ ܘܛܵܘܦܵܢܹ̈ܐ.
ܐܵܢܲܢܩܵܝܬܵܐ ܝܠܵܗܿ ܕܐܲܚܬܘܿܢ ܚܲܛܸܛܝܼܬܘܿܢ ܩܵܐ ܐܵܗܘܵܠܵܬܹ̈ܐ ܕܥܪܝܼܨܘܼܬܵܐ ܩܵܐ ܓܵܢܵܘܟܼܘܿܢ، ܒܲܝܬܘܼܬܵܘܟܼܘܿܢ ܘܚܲܝܘܬܵܘܟܼܘܿܢ ܫܲܝܢܵܝܬܵܐ. ܨܠܝܼܒܼܵܐ ܣܡܘܿܩܵܐ ܛܘܼܘܸܪ ܠܹܗ ܡܲܒܘܼܥܹ̈ܐ ܐܵܢܲܢܩܵܝܹ̈ܐ ܒܠܸܫܵܢܹ̈ܐ ܕܟܢܘܼܫܬܵܐ ܡܟܲܣܘܼܝܹܐ ܡܸܢܕܝܼ ܕܒܲܠܟܵܐ ܣܵܢܩܝܼܬܘܿܢ ܠܥܒܼܵܕܹܗ ܓܵܘ ܚܕܵܐ ܐܵܗܘܵܠ ܕܥܪܝܼܨܘܼܬܵܐ.
ܓܵܘ ܥܸܕܵܢܵܐ ܕܡܼܢ ܩܵܕ݉ܡ ܐܲܩܡܵܐ ܕܩܲܝܛܵܐ، ܫܘܼܠܛܵܢܵܐ ܐܲܬܪܵܝܵܐ ܕܢܘܼܪܵܐ (CFA) ܒܸܕ ܒܵܕܹܩ ܚܲܕ ‘ܡܸܬܚܵܐ ܩܸܢܛܵܝܵܐ ܕܢܘܼܪܵܐ’. ܡܲܥܢܵܝ ܕܐܵܗܵܐ ܕܠܒܼܵܚܝܵܬܹ̈ܐ ܕܢܘܼܪܵܐ ܕܓܸܠܵܐ ܘܕܡܵܝܫܵܬܹ̈ܐ ܒܲܠܟܵܐ ܒܘܼܫ ܡܸܬܗܵܘܝܵܢܹ̈ܐ ܝܢܵܐ ܕܗܵܘܝܼ ܡܼܢ ܥܸܕܵܢܵܬܹ̈ܐ ܦܵܝܫܵܢܹ̈ܐ ܡ݂ܢ ܫܲܢ݉ܬܵܐ. ܚܲܕܟܡܵܐ ܝܵܘܡܵܢܹ̈ܐ ܓܵܘ ܡܸܬܚܵܐ ܩܸܢܛܵܝܵܐ ܕܢܘܼܪܵܐ ܒܲܠܟܵܐ ܦܵܝܫܝܼ ܩܸܪܝܹܐ ‘ܝܵܘܡܵܢܹ̈ܐ ܕܡܲܟܠܵܝܬܵܐ ܟܠܵܢܵܝܬܵܐ ܕܡܲܠܗܵܝܬܵܐ ܕܢܘܼܪܵܐ’. ܒܝܵܘܡܵܢܹ̈ܐ ܕܡܲܟܠܵܝܬܵܐ ܟܠܵܢܵܝܬܵܐ ܕܡܲܠܗܵܝܬܵܐ ܕܢܘܼܪܵܐ، ܟܠܲܝܗܝ ܒܲܫܲܠܝܵܬܹ̈ܐ ܓܵܘ ܕܘܼܟܵܢܹ̈ܐ ܦܬܘܿܚܹ̈ܐ ܕܡܲܦܠܘܼܚܹܐ ܝܢܵܐ ܢܘܼܪܵܐ ܐܲܝܟܼ ܒܵܪܒܸܟܝܘܼ ܝܲܢ ܟ̰ܵܠܹܐ ܕܢܘܼܪܵܐ ܦܝܼܫܹܐ ܝܢܵܐ ܡܘܼܟܠܸܝܹܐ. ܐܵܗܵܐ ܝܼܠܹܗ ܩܵܐ ܗܲܝܲܪܬܵܐ ܒܚܣܵܟܼܬܵܐ ܡܼܢ ܫܲܪܲܝܬܵܐ ܕܠܒܼܵܚܝܵܬܹ̈ܐ ܕܢܘܼܪܵܐ ܓܵܘ ܟܢܘܼܫܬܵܐ.
ܐܸܢ ܟܹܐ ܚܵܝܝܼܬܘܿܢ ܬܪܹܝܢ ܝܲܢ ܬܠܵܬܵܐ ܓ̰ܲܕܵܢܹ̈ܐ ܪܸܚܩܵܐ ܡܼܢ ܐܲܪܥܵܐ ܕܐܝܼܬ ܓܵܘܘܿܗܿ ܓܸܠܵܐ ܘܫܘܼܪܹܐܠܹܗ ܚܲܕ ܢܘܼܪܵܐ ܕܓܸܠܵܐ ، ܪܚܘܿܩܘܼܢ ܠܵܐ ܒܵܨܘܿܪܵܐ ܡܼܢ ܬܪܹܝܢ ܓ̰ܲܕܵܢܹ̈ܐ ܠܵܒܵܬ݉ܪܵܐ ܡܼܢ ܢܘܼܪܵܐ. ܐܸܢ ܟܹܐ ܚܵܝܝܼܬܘܿܢ ܬܪܹܝܢ ܝܲܢ ܬܠܵܬܵܐ ܓ̰ܲܕܵܢܹ̈ܐ ܪܸܚܩܵܐ ܡܼܢ ܐܲܪܥܵܐ ܕܐܝܼܬ ܓܵܘܘܿܗܿ ܓܸܠܵܐ ܘܫܘܼܪܹܐܠܹܗ ܚܲܕ ܢܘܼܪܵܐ ܕܓܸܠܵܐ، ܦܘܼܫܘܼܢ ܐܲܝܟܵܐ ܕܝܼܬܘܿܢ. ܠܒܼܵܚܝܵܬܹ̈ܐ ܕܢܘܼܪܵܐ ܕܓܸܠܵܐ ܠܵܐ ܝܢܵܐ ܡܸܬܗܵܘܝܵܢܹ̈ܐ ܕܦܵܪܣܝܼ ܠܦܸܢܝܵܬܹ̈ܐ ܒܸܢܝܹܐ.
ܗܸܟ̰ ܠܵܐ ܛܵܪܝܼܬܘܿܢ ܐܸܢ ܒܸܚܙܵܝܵܐ ܝܬܘܿܢ ܬܸܢܵܐ ܝܲܢ ܢܘܼܪܵܐ. ܬܸܢܵܐ ܚܠܝܼܡܵܐ ܒܸܕ ܥܵܒܼܹܕ ܠܵܗܿ ܥܲܣܩܵܐ ܠܚܙܵܝܵܐ ܘܡܸܬܗܵܘܝܵܢܬܵܐ ܝܠܵܗܿ ܕܗܵܘܝܼ ܚܒܵܨܝܵܬܹ̈ܐ ܕܓ̰ܘܵܓ̰ܬܵܐ ܕܪ̈ܵܕܝܼܵܬܹܐ ܘܓܸܕܫܹ̈ܐ.
ܗܸܟ̰ ܠܵܐ ܪܵܚܫܝܼܬܘܿܢ، ܛܲܐܠܝܼܬܘܿܢ، ܪܵܟܒܼܝܼܬܘܿܢ ܝܲܢ ܛܵܪܝܼܬܘܿܢ ܓܵܘ ܡܲܝܵܐ ܕܛܵܘܦܵܢܵܐ.
ܫܘܼܓܼ݉ܠܵܢܹ̈ܐ ܘܡܲܦܠܲܚܬܵܐ
ܐܲܚܢܲܢ ܟܹܐ ܡܲܪܚܸܛܲܚ ܚܲܕܚܘܼܪܙܵܐ ܕܫܘܼܓܼ݉ܠܵܢܹ̈ܐ ܡܲܗܲܠܵܝܹ̈ܐ ܩܵܐ ܐ݉ܢܵܫܹ̈ܐ ܡܲܗܲܠܵܝܹ̈ܐ ܡܲܓܵܢ ܕܟܹܐ ܡܲܡܛܹܐ ܠܡܵܪ̈ܵܘܵܬܹ̈ܐ ܕܫܘܼܓܼ݉ܠܵܐ ܥܲܡ ܛܵܥܝܵܢܹ̈ܐ ܒܵܬ݉ܪ ܦܘܼܠܚܵܢܵܐ. ܩܵܐ ܣܢܵܕܬܵܐ ܒܡܛܵܝܬܵܐ ܠܬܲܪܥܵܐ ܐܸܠܸܟܬܪܘܿܢܵܝܵܐ ܕ JobLink، ܩܪܹܝܡܘܼܢ ܩܵܐ ܦܵܠܵܚܵܐ ܡܸܫܬܲܐܠܵܢܵܐ ܕܣܢܵܕܬܵܐ ܕ JobLink ܕܕܝܼܲܢ ܥܲܠ ܡܸܢܝܵܢܵܐ 2363 9205. ܐܝܼܬ ܬܲܪܓܡܵܢܹ̈ܐ.
ܐܲܚܢܲܢ ܐܵܦ ܪܹܐܙܵܢܵܐܝܼܬ ܟܹܐ ܛܲܥܲܚ ܒܵܬ݉ܪ ܐ݉ܢܵܫܹ̈ܐ ܒܘܼܫ ܙܵܘܕܵܐ ܠ ܫܲܪܘܼܟܹܐ ܥܲܡ ܝܲܗܠܲܢ ܓܵܘ ܡܵܘܬܒܼܵܐ، ܩܵܐ ܕܦܵܠܚܲܚ ܥܲܠ ܬܲܪ̈ܡܝܼܵܬܹܐ ܡܲܦܨܸܚܵܢܹ̈ܐ ܕܒܸܕ ܥܵܒܼܕܝܼ ܚܲܕ ܫܘܼܚܠܵܦܵܐ ܫܲܪܝܼܪܵܐ ܓܵܘ ܟܢܘܼܫܬܵܐ ܘܡܲܕܪܸܣܝܼ ܠܹܗ ܦܸܨܠܵܐ ܕܕܲܥܬܝܼܕ ܕ Hume. ܐܲܚܢܲܢ ܛܲܥܘܼܝܹܐ ܝܘܲܚ ܒܵܬ݉ܪ ܐ݉ܢܵܫܹ̈ܐ ܕܐܝܼܬܠܗܘܿܢ ܡܗܝܼܪ̈ܘܼܝܵܬܹܐ، ܢܸܣܝܵܢܹ̈ܐ ܘܒܵܬ݉ܪ̈ܵܝܘܼܝܵܬܹܐ ܦܪ̈ܝܼܫܹܐ.
ܡܘܿܕܝܼ ܐܝܼܬ ܓܵܘ ܦܢܝܼܬܵܐ ܕܕܝܼܝܼ؟
ܢܩܘܿܪܘܼܢ ܥܲܠ ܚܲܪܝܼܛܵܐ ܝܲܢ ܡܲܥܒܼܸܪܘܼܢ ܚܲܕ ܐܵܕܪܸܣ ܩܵܐ ܕܡܲܫܟܼܚܝܼܬܘܿܢ ܡܘܿܕܝܼ ܝܼܠܹܗ ܒܸܗܘܵܝܵܐ ܓܵܘ ܘܚܲܕܸܪܘܵܢܹܐ ܕܦܢܝܼܬܵܘܟܼܘܿܢ. ܐܲܚܬܘܿܢ ܡܵܨܝܼܬܘܿܢ ܡܲܫܟܼܚܝܼܬܘܿܢ ܟܠ ܡܸܢܕܝܼ ܡܼܢ ܓܲܢܵܬܹ̈ܐ ܥܲܡܵܝܹ̈ܐ ܘܕܘܼܟܵܢܹ̈ܐ ܕܪܲܗܲܬܘܼܬܵܐ، ܗܲܠ ܩܲܘܲܡܝܵܬܹ̈ܐ ܘܬܲܪ̈ܡܝܼܵܬܹܐ، ܒܪܹܫ ܡܵܢܝܼ ܝܼܢܵܐ ܡܵܠܘܿܟܼܵܘܟܼ̈ܘܿܢ ܡܲܗܲܠܵܝܹ̈ܐ ܘܝܵܘܡܵܢܹ̈ܐ ܕܓ̰ܲܡܲܥܬܵܐ ܕܨܲܢܕܘܼܩܹ̈ܐ. ܐܵܗܵܐ ܡܵܘܕܥܵܢܘܼܬܵܐ ܝܼܠܵܗܿ ܒܠܸܫܵܢܵܐ ܐܸܢܓܠܸܣܢܵܝܵܐ.
ܬܲܪ̈ܡܝܼܵܬܹܐ ܕܓ̰ܲܕܵܢܹ̈ܐ ܘܒܸܢܝܵܢܵܐ ܬܲܚܬܵܝܵܐ
ܐܲܚܢܲܢ ܒܸܒܢܵܝܵܐ ܝܘܲܚ ܕܘܼܟܵܢܹ̈ܐ ܕܪܲܗܲܬܘܼܬܵܐ ܚܲܕܬܹ̈ܐ ܕܟܢܘܼܫܬܵܐ، ܡܲܕܪ̈ܲܫܝܵܬܹܐ ܩܲܕܝܼܡܵܝܵܬܹ̈ܐ (ܦܪܝܼܣܟܘܼܠܣ) ܘܒܵܬܹ̈ܐ ܕܫܒܼܵܒܼܘܼܬܵܐ. ܐܲܚܢܲܢ ܒܸܬܢܵܝܵܐ ܝܘܲܚ ܒܢܵܝܬܵܐ ܕܓ̰ܲܕܵܢܹ̈ܐ، ܐܘܼܪ̈ܚܵܬܹܐ ܕܐ݉ܙܵܠܵܐ ܒܐܲܩܠܵܐ، ܐܘܼܪ̈ܚܵܬܹܐ ܕܓ̰ܘܵܓ̰ܵܐ ܘܕܒܵܝܸܣܟܝܼܠܹ̈ܐ ܘܓܸܫܪ̈ܵܢܹܐ. ܘܐܲܚܢܲܢ ܡܚܲܕܘܼܬܹܐ ܝܘܲܚ ܠܫܸܛܚܹ̈ܐ ܐܲܬܠܹܝܛܵܝܹ̈ܐ ܢܛܝܼܪܹ̈ܐ، ܓܲܢܵܬܹ̈ܐ ܥܲܡܵܝܹ̈ܐ ܘܕܵܪ̈ܵܬܹܐ ܕܛܲܐܲܠܬܵܐ. ܡܲܥܒܼܸܪܘܼܢ ܠܐܵܕܪܸܣܵܘܟܼܘܿܢ ܓܵܘ ܚܲܪܝܼܛܵܐ ܩܵܐ